Notum sit omnibus sancte matris ecclesie filiis hanc esse conventionem inter monachos de Font[ibus] et dominum Rogerum de Molb[] et filios suos Nigellum et Robertum quod Rogerus et filii sui concesserunt et dederunt et carta sua confirmaverunt Deo et ecclesie Sancte Marie de Font[ibus] in perpetuam elemosinam totam terram de Birnebem cum omnibus pertinenciis suis in bosco et plano pratis et aquis et pasturis in viis et semitis per rectas divisas suas plenarias scilicet de Felebriggebec usque ad metas de Rippeleia sicut unquam melius et liberius illam terram tenuerunt Et hanc terram cum pertinenciis suis imperpetuum habebunt monachi solutam quietam ab omni servicio et consuetudine et ita in liberam et propriam possessionem et ad sartandum et donandum et vendendum ita quod terra ubi nemus est cum tota alia terra de Birnebem imperpetuum predicte ecclesie de Font[ibus] remanebit et quod nichil Rogerus et filii sui ibi retinuerunt preter cervum et cervam aprum et capreolam et aves que alias capiunt Sed et forestarii mei non habebunt ibi potestatem nec de aliqua re se intromittent nisi de predictis feris et avibus custodiendis Hoc etiam statutum est inter nos quod servientes de Birnebem securitatem facient fide vel juramento fratribus ejusdem loci quod de feris non capient ejusdem foreste neque de avibus quas in carta sua Rogerus et filii sui sibi retinuerunt Et si aliquis de servientibus monachorum deprehensus fuerit monachi de eo rectum facient prout capitulum Eboraci decreverit Et propter hanc conventionem Rogerus de Mub[] accepit a monachis cccl marcas argenti Ad hoc tenendum et garentizandum et defendendum monachis imperpetuum contra omnes homines et contra omnes feminas Rogerus de Mub[] et filii ejus Nigellus et Robertus fidem affidaverunt et Robertus de Daivilla Radulfus de Bavveir Hugo Maleb[] Turgis filius Malgeri Robertus Busci Et pro concessione et confirmatione hujus conventionis Nigellus filius Rogeri de Mub[] v marcas a monachis recepit Testes capitulum ecclesie Sancte Marie Ebor[] Philippus prior Sancte Trinitatis magister Suanus

Source Fulltext: Charters of the Honour of Mowbray, 1107-1191. D. E. Greenway. Records of Social and Economic History, New Series 1. British Academy. Oxford University Press. London. 1972.