Eboracensi archiepiscopo et capitulo Sancti Petri Eboraci et omnibus sancte matris ecclesie filiis presentibus et futuris Nigellus de Molb[] salutem Sciatis me dedisse et presenti carta confirmasse in perpetuam elemosinam Deo et ecclesie Sancte Marie de Fontibus et monachis ibidem Deo servientibus donationes quas pater meus Rogerus de Molbr[] fecit eis et cartis suis confirmavit in perpetuam elemosinam scilicet Aldeburgam in grangiam solutam et quietam ab omnibus serviciis et quicquid ad eandem pertinet ex illa parte Jori fluminis in bosco et plano in campis et pratis et aquis sicut avus meus Nigellus de Albinio dedit eam antiquitus monachis Pontiniacensibus et communem pasturam ex altera parte aque et ex ipsa eadem parte firmamentum stagni sui ad molendinum faciendum Confirmavi etiam illis illam donationem quam Turgisius filius Malgeri fecit eis in puram et perpetuam elemosinam Et confirmationem quam Galterus de Bueri de eadem terra monachis fecit scilicet de Smithuswat usque ad Gretgata et sicut Gretgata tenditur usque in Elrebec[] et exinde inferius sicut Elrebec cadit in Jor Confirmavi etiam monachis mortuum boscum in foresta mea de stante et jacente quicquid folium non portat ubicunque capere voluerint ad carbonem faciendum ad forgiam suam de Aldburg Item confirmavi eis quicquid patris mei fuit inter terram de Suttuna et quendam rivulum meantem infra Redlaiam juxta fontem quam adaquandis pecoribus suis illis dedit et ab eodem rivulo recta linea precidente inflexionem ejusdem rivuli versus aquilonem usque ad tres spinas sitas in quodam monte petroso et inde usque ad quendam magnum salicem sub margine silve que vocatur Litlehage et inde usque ad quandam viam que jacet in fundo vicine vallis et per eandem viam quantum terra illorum durat Et preterea confirmo donationem quam Aaliz de Gant mater mea illis dedit per medium Litlehaga a barra usque ad viam petrosam sicut divisio facta est et post ultra viam petrosam usque ad Walescroft et de Walescroft ultra Cumbedena usque ad siccum salicem juxta Pirwinetres et sic recte usque ad fontem Item confirmavi eis ad grangiam suam de Suttuna communem pasturam de Aserlagh et de Wincheslai per totum preter de blado et prato omnibus bobus illius grangie et xxv vaccis et quando non sunt in labore in foresta mea ibunt ad pascendum diebus et noctibus Et ad utendum his pasturis villarum scilicet et foreste habebunt vias ubi eis oportunum fuerit in cujuscunque manus predicte ville devenerint Et ut difficiant et estupent unam viam que vadit per mediam culturam de Suttuna quia eis nocebat dedi etiam eis et confirmavi in perpetuam elemosinam xx carratas feni in prato de Wacaldesheng solute et quiete de omnibus serviciis et quando predictum fenum falcare voluerint monstrabunt ballivo de Malesart et ipse ballivus de Malesart monstrabit eis ubi falcare debeant Item confirmavi eis donationem terre illius quam Aldelin de Aldefeld et Radulfus filius ejus donaverunt et ceteri filii ejus concesserunt predictis monachis in perpetuam elemosinam scilicet de Suanlei usque ad vadum de Wainesford et quinque pedes de terra arabili ad fossatum faciendum Item confirmavi eis totam terram de Birnebem cum omnibus pertinenciis suis in bosco et plano pratis et aquis et pasturis in viis et semitis per rectas divisas plenarias scilicet de Felebriggebec usque ad metas de Rippelei sicut umquam melius et liberius illam terram pater meus tenuit Hanc donationem et confirmationem per predictas divisas feci monachis in perpetuam elemosinam et ita in liberam et propriam possessionem et ad sartandum et donandum et vendendum Ita quod ubi nemus est cum tota alia terra de Birnebem inperpetuum ecclesie de Fontibus remanebit et quod nichil ibi michi retineam preter cervum et cervam aprum et capreolam et aves que alias capiunt Set et forestarii mei non habebunt ibi potestatem nec de aliqua re se intromittent nisi de predictis feris et avibus custodiendis Et si aliqua calumpnia super predictam terram aliquando evenerit ego et heredes mei predictam terram cum omnibus pertinenciis suis monachis warentabimus et acquietabimus ab omnibus serviciis et consuetudinibus que ad terram pertinent et defendemus contra omnes homines ita ut libere et in pace omnia teneant Super hec omnia dedi et confirmavi ecclesie de Fontibus grangiam de Dacra cum omnibus pertinenciis in bosco et plano et omnibus aliis rebus et locis et libertatibus sicut in cartis patris mei continetur Preterea dedi eis et confirmavi in incrementum sicut rivus de Beuerlay cadit in Nid ubi vetus capella fuit et inde sicut Nid venit usque Higherfeldebec et inde sicut Higherfeldebec pertingit usque ad divisas de Cravena Hanc donationem per plenarias predictas divisas feci monachis de Fontibus solutam et quietam in puram et perpetuam elemosinam et ita in liberam et propriam possessionem quod nichil ibi michi vel heredibus meis retineam preter cervum et cervam aprum et capreolam et aves que alias capiunt Set et forestarii mei nullam potestatem ibi habebunt nec de re aliqua se intromittent nisi de predictis feris et avibus custodiendis Et ego et heredes mei hec omnia guarentabimus eis in bosco et plano et acquietabimus de omnibus serviciis et consuetudinibus imperpetuum Confirmavi etiam eis terram de Redlay quam Radulfus de Beellun eis in elemosinam dedit scilicet a barra ipsius Redlai inferius sicut fossatum vadit usque ad caput calcede versus Azerlagh in bosco et plano Hec omnia supradicta dedit et confirmavit pater meus Rogerus de Molb[] per cartas Et ego Nigellus filius et heres ejus dedi et confirmavi per hanc cartam meam Et sciendum quod pro donatione et confirmatione mea monachi de Fontibus dederunt michi l marcas Testes capitulum Sancti Petri Eboraci Philippus prior Sancte Trinitatis Ebor[aci] Galterus de Templo Simon et Hamun et Willelmus de Buum et Radulfus de Langetoft et Willelmus vicarii Sancti Petri Paulin de Ledes Gamel de Dunesford Robertus filius Simonis del Seel Robertus capellanus Rogeri de Molb[] Radulfus clericus Nigelli Robertus de Daivill[] et Willelmus frater ejus Torphinus filius Roberti filii Copsi Gillebertus de Briddeshala Radulfus Magnus Galterus de Ros Osbertus de Schipwic Willelmus Nobilis

Source Fulltext: Charters of the Honour of Mowbray, 1107-1191. D. E. Greenway. Records of Social and Economic History, New Series 1. British Academy. Oxford University Press. London. 1972.