Noverint universi hoc presens scriptum visuri vel audituri quod cum inter Hugonem le Breton de Coventr[] ex parte una et Ricardum le Dubber[] de eadem ex parte altera orta seu mota fuisset lis aut controversia super domibus stillicidiis gutteriis et sepibus dicti Ricardi in vicis Comitis et Westgardini Coventr[] injuste et sine judicio ad nocumentum liberi tenementi predicti Hugonis levatis sitis et edificatis ipsa lis seu controversia quibus amicis intervenientibus in festo Pasce anno domini m cc octogesimo quarto sub hac forma conquievit et inter partes sic convenit videlicet quod predictus Hugo pro se et heredibus suis dicto Ricardo et heredibus suis domos et sepes predictos secundum quod tunc site fuerunt quoad fundamentum concessit tenendas et sustinendas inposterum planas et erectas ita quod ulterius versus terram seu tenementum ipsius Hugonis aut heredum quorum jus aliquod vel aysiamentum seu proprietatem aliquam exigere non possunt vel clamare et quia dictus Ricardus de libero tenemento dicti Hugonis plus quam debuit occupavit licitum sit eidem Hugoni et heredibus vel suis assignatis ad domos et sepes ipsius Ricardi et heredum suorum et eorum assignatorum junctim edificare et arbores plantare proprietate hujusmodi edificarum et arborum penes dictum Hugonem et heredes suos vel ejus assignatos totaliter et integre permanente Et cum a parte dicti Hugonis et heredum suorum vel assignatorum sic fuerit edificatum dictus Ricardus et heredes sui vel ejus assignati ipsa edificia a casu aque defendent et ipsum Hugonem et heredes suos et assignatos indempnes super hiis sustinebunt inperpetuum Pro hac autem concessione et convencione tenend dedit predictus Ricardus predicto Hugoni viginti solidos argenti In cujus rei testimonium utraque pars predicta presenti scripto in modum cirograffi confecto sigillum suum alternatim apposuerunt Hiis testibus Henrico Pistore tunc ballivo Coventr[] Roberto de Chilton[] Roberto de Stokes Henrico Dobedy Henrico de Parlur Stephano de Hales Ranulfo de Cundelme Stephano Textore Ricardo Chouhe Petro de Cotesbech Thoma le Mubray Ricardo King Angetino de Coleshul et aliis

Source Fulltext: The Early Records of Medieval Coventry. P. R.Cross. Records of Social and Economic History, New Series 11. British Academy. Oxford University Press. London. 1986.