Omnibus [etc] Robertus Belegraue filius Walteri piscatoris de Egnesham salutem in domino sempiternam Noueritis me remisisse concessisse et omnino pro me et heredibus meis quietum clamasse in perpetuum domino Thome abbati et conuentui Egneshamie et eorum successoribus totum ius et clamium quod habui uel quoquo modo habere potui in uno mesuagio et una uirgata terre et uno molendino aquatico cum omnibus suis pertinentiis in Egnesham Preterea remisi et quietum clamaui eisdem abbati et conuentui totum ius et clamium quod habui uel habere potui in quatuor selionibus terre cum pertinenciis qui iacent infra metas gardini dictorum abbatis et conuentus in Egnesham Insuper concessi remisi et quietum clamaui eisdem abbati et conuentui totum ius et clamium quod habui uel habere potui in terris et tenementis que dicti abbas et conuentus die confeccionis istius quiete clamacionis tenuerunt habend et tenend dictis abbati et conuentui et eorum successoribus bene et in pace pure et integre in uiis semitis pratis pascuis et pasturis aquis stagnis et molendinis uiuariis columbariis cum eorum ubique pertinenciis in perpetuum sine aliqua contradiccione uel impedimento mei uel heredum meorum ita quod nec ego nec aliquis heredum meorum de cetero aliquid iuris uel clamii ulla racione in dictis terris et tenementis uel aliqua parte eorum exigere uel uendicare poterimus Et ut [etc] hiis testibus dominis Ricardo de Wyllamescote Henrico de la Wade militibus Roberto le Heyr tunc balliuo de Wodestoke Willelmo de Sancto Audoeno Ada de Dunhalle Willelmo clerico de Egnesham et Ricardo Halewy de eadem et aliis Datum apud Egnesham Idus Aprilis anno regni regis Edwardi xii

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.