Sciant presentes et futuri quod ego Johannes de Chiltone de Coventr[] concessi et per presens scriptum confirmavi pro me et heredibus meis Roberto Fraunceys de Coventr[] et Nichole uxori ejus et heredibus seu assignatis eorum quod tenementum meum jacens juxta tenementum predictorum Roberti et Nichole ex parte boreali quod tenent in villa Coventr[] de dono Margerie relicte Walteri de Bannebur[] et extendens se de tenemento eorum predicto versus le Westorchard recipiet et receptabit totam aquam stillantem et cadentem et de cetero stillaturam et casuram inperpetuum de gutteris tectis et domiciliis omnium edificatorum predictorum Roberti et Nichole usque ad tenementum meum predictum quoquo modo attingentium absque omni contradictione vel calumpnia mei vel heredum meorum inperpetuum Preterea ego predictus Johannes et heredes mei inveniemus et inperpetuum sustentabimus liberam ac sufficientem aquam stillantem et aquam cadenciam[] super solum meum tenementi mei predicti gutteris tectis et domiciliis omnium predictorum edificatorum et eas predictis Roberto et Nichole et eorum heredibus seu assignatis eorum contra omnes mortales warantizabimus inperpetuum In cujus rei testimonium presenti scripto sigillum meum apposui Hiis testibus Roberto filio Henrici Pistoris Johanne Loeuwyn tunc coronatore Coventr[] Alexandro de Stonlee Magistro Roberto Coquo Rogero de Pakwode Roberto de Rothewell Johanne ad Crucem et aliis Coventr[] die Mercurii proxima post festum sancti Barnabe apostoli anno regni regis Edwardi filii regis Henrici vicesimo nono

Source Fulltext: The Early Records of Medieval Coventry. P. R.Cross. Records of Social and Economic History, New Series 11. British Academy. Oxford University Press. London. 1986.