Omnibus Christi fidelibus presens scriptum visuris vel audituris Willelmus Cotel filius et heres Elie Cotel salutem in Dno Cum predictus Elias pater meus et sui antecessores tenuissent unum feodum militis de Hugone de Polsted[] et de heredibus suis tenere debuissent in Wynterbourn[] Monachorum in comitatu Wilts[] et idem Hugo et heredes sui de dno abbate et monasterio Glaston tanquam medii inter ipsum et prefatum abbatem ac dictus abbas post mortem ipsius Hugonis in dicto feodo sepius distrinxisset pro homagio fidelitate et relevio et aliis serviciis que sibi de dicto feodo a retro fuerunt propter quod dictus Elias pater meus heredes ipsius Hugonis in curia dni regis per breve de medio inplacitavit quod ipsum acquietarent de prefatis serviciis sicut de iure tenebantur memorati heredes ad tunc ipsum et me usque nunc licet super hoc sepius essent requisiti acquietare recusarunt ad dampnum nostrum non modicum et gravamen Et quia predictus abbas non indebite nec iniuste dictam fecit districionem licet ad dampnum nostrum ut predixi ego Willelmus propter intollerabile dampnum quod tam pater meus quam ego temporibus retroactis sustinuimus pro defectu acquietancie dictorum heredum homagium fidelitatem una cum relevio de dicto feodo debito prestiti et feci dno Johanni de Canc[] tunc abbati Glaston apud Glast xix die Junii anno Dni millesimo trecentesimo primo hoc est anno regni regis Edwardi filii regis Henrici xxix Et si futuris temporibus contigerit dictum abbatem vel successores suos propter recepcionem dicti homagii per aliquos heredes ipsius Hugonis inplacitari vexari inquietari seu in aliquo quoquomodo gravari ego et heredes mei dictum abbatem et successores suos versus omnes et singulos heredes ipsius Hugonis acquietare et defendere tenemur et dampna iacturas expensas et gravamina que occasione predicta sustinuerint vel habuerint rehabere et resumere tenemur sicut abbas dicti monasterii qui pro tempore fuerit simplici dicto suo consideraverit In cuius rei testimonium presenti scripto sigillum meum apposui Hiis testibus dnis Galfrido de Stawell[] Radulpho Saunzaver Thoma de Welleslegh[] Roberto de Brent militibus Galfrido Sammuel Willelmo Wason Waltero Tover[] Thoma de Ivethorn[] Thoma Trivet et aliis

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.