Universis sancte matris ecclesie filiis tam presentibus quam futuris ad quorum noticiam presens scriptura pervenerit frater I permissione divina Cantuariensis archiepiscopus tocius Anglie primas salutem illam quam sanguis exhibuit salvatoris universitati vestre notum fieri volumus per presentes quod nos anno domini mcc octogesimo Conventrensem et Lichfeldensem diocesem auctoritate metropolitica visitantes Instrumenta dilectorum filiorum Abbatis et conventus salopesberie super ecclesiis suis appropriatis decimis separatis et pensionibus quas tenent et percipiunt in conventrensi et lichefeldensi Assavensi ac herefordensi diocesibus pro ut inferius continetur ex officii nostri debito examinari fecimus diligenter videlicet super ecclesia de Ercalewe Coventrensis et lichefeldensis diocesis cartam collacionis Rogeri quondam comitis salopesberie litteram concessionis in proprios usus Allexandri conventrensis et lichefeldensis episcopi litteras confirmacionis capitulorum conventrensis et lichefeldensis et litteras Gregorii pape novi super apropriacione eiusdem Item super medietate decimarum ecclesie de Welinton conventrensis et lichefeldensis diocesis cartam collationis Rogeri quondam comitis salopesberie litteram concessionis Allexandri conventrensis et lichefeldensis episcopi litteras confirmacionis capitulorum conventrensis et lichefeldensis et litteras confirmacionis Alexandri pape tertii Item super ecclesia sancti Osewaldi in Albo monasterio Assavensis diocesis cartas collacionum Rogeri comitis salopesberie et Warini vicecomitis et cartam confirmationis Johannis filii Willelmi filii Alani postea domini de Albo monasterio litteras concessionis in proprios usus Reinerii primi Reinerii secundi et Aniani assavensis episcoporum litteras confirmacionis capituli Assavensis et litteras confirmacionis Gregorii pape noni Item super ecclesia de momerfeld herefordensis diocesis cartam collacionis Rogeri quondam comitis salopesberie litteram concessionis in proprios usus Roberti episcopi herefordensis litteram confirmacionis capituli Herefordensis et litteram confirmacionis Gregorii pope noni Item super pensionibus annuis duarum marcarum de ecclesia de hodenet viginti solidorum de ecclesia de Ercalewe quadraginta solidorum de ecclesia de Egmundon[] Decem solidorum de ecclesia de novo burgo Triginta solidorum de ecclesia de Ideshale Dimidie marce de Ecclesia de Doniton[] Dimidie marce de ecclesia de tunge Duarum marcarum de ecclesia de Welinton[] viginti solidorum de ecclesia de Wrocwordin viginti solidorum de ecclesia de Uptone Decem et octo solidorum de ecclesia de Conedovere viginti quatuor solidorum de ecclesia de Biriton[] Decem solidorum de ecclesia de Nesse Triginta solidorum de ecclesia de Albo monasterio viginti solidorum de ecclesia de bassechurch unius marce de ecclesia de mudle Duorum solidorum de ecclesia de Norton[] viginti solidorum de ecclesia de Waleton[] sex solidorum de ecclesia de pleimindestowe et decem solidorum de ecclesia de North byr[] conventrensis et lichefeldensis diocesis litteras concessionis Rogeri episcopi cestrensi Et litteras confirmacionis Ricardi episcopi conventrensis Item super pensionibus annuis quatuor librarum de Ecclesia de stottesden Octo solidorum et octo denariorum de ecclesia de castro Holegod Duorum solidorum de ecclesia de Albeton[] Et duorum solidorum de ecclesia de Tuggeford[] Herefordensis diocesis litteras concessionis Roberti episcopi Herefordensis litteras confirmacionis capituli Herefordensis et litteras confirmacionis gloriosi martiris Thome predecessoris nostri Nos igitur scrutatis et examinatis viribus et instrumentis predictis volentes quantum in nobis est paci et quieti dictorum religiosorum prospicere et iuxta ewangelicam doctrinam perhibere testimonium veritati universitati vestre innotescimus quod prefatos religiosos super obtentu dictarum ecclesiarum ac perceptione decimarum et pensionum reputamus quantum ad forum ecclesiasticum sufficienter esse munitos et permissa omnia sicut eis rite collata et concessa sunt auctoritate metropolitica quantum ad nos pertinet confirmamus Inhibentes districtius universis subditis nostris nequis eosdem religiosos super premissis vel aliquo premissorum inquietare seu perturbare presumat siquis autem subditorum nostrorum scienter et maliciose hoc attemptare presumpserit donec resipuerit indignationem omnipotentis et nostram incurat Et quia periculosum est instrumenta plurima tum propter vetustatem et fragilitatem eorumdem tum propter alios casus qui frequenter ernergere poterunt circumferre presentes litteras sigillo nostro signatas quibus fidem plenam adhiberi volumus prefatis religiosis concessimus in testimonium permissorum Datum in manerio episcopi conventrensis et lichefeldensis de Tathebrok[] xvi kalend[] septemb[] Anno domini supradicto consecracionis nostre secundo

Source Fulltext: Cartulary of Shrewsbury Abbey. Una Rees. National Library of Wales. Aberystwyth. 1975.