Omnibus ad quos presens scriptum pervenerit Robertus de Aspele et Alicia uxor sua salutem in vero salutari Cum Alicia de Tybritun[] mulier peteret a nobis unam virgatam terre in eadem villa de Tybriton per breve domini Regis de nova dissaysina apud Salopesberian Anno regni Regis Henrici filii Regis Johannis vicesimo primo Coram dominis Willelmo de Eboraco Willelmo de insula Radulfo de Norwych[] et sociis suis Justiciariis domini Regis itinerantibus et dictam terram ibidem recuperaret Et dominus Abbas et conventus Salopesberie eam nobis deberet warantizare Nos dictam Warantizationem eis remisimus et cartam illorum quam inde habuimus eis coram predictis justiciariis reddidimus Dicti vero Abbas et conventus per remisssione warantizationis et pro quieta clamatione nostra nobis dederunt duas marcas et dimidium argenti Ut aut ea que a nobis in ea parte acta sunt perpetue firmitatis robur optineant presenti scripto sigilla nostra apposuimus Hiis testibus magistro Gilberto de Weston[] Radufo marescallo Ricardo meverel clerico et multis aliis

Source Fulltext: Cartulary of Shrewsbury Abbey. Una Rees. National Library of Wales. Aberystwyth. 1975.