Sciant presentes et futuri quod ego sibilla filia florie de halechton[] quondam uxor Roberti de toneray in viduetate et plena potestate mea dedi concessi et hac presenti carta mea confirmavi deo et ecclesie beati Gregorii de momerfeld[] et monachis ibidem deo servientibus unam acram terre in campo de halechton[] que iacet iuxta asartum quod vocatur asartum senescaldi et totam croftam meam terre que iacet inter fontem qui vocatur tettewalla et croftam quam Hugo forestarius tenuit illam scilicet que vocatur grandecroft cum integritatibus suis tenend et habend de me et heredibus meis dicte ecclesie et prefatis monachis libere quiete et integre imperpetuum Reddendo inde annuatim mihi et heredibus meis pro omni servicio exactione et demanda xiiii d argenti ad duos terminos scilicet ad festum sancti michaelis vii denarios et ad festum sancte marie in martio vii d pro hac autem donatione concessione et huius carte confirmatione thomas de momerfeld[] monachus tunc temporis ibidem moram faciens in urgenti necessitate mea dedit v solidos argenti Et ego sibilla fide media promisi quod contra hanc donationem concessionem et confirmationem nullo tempore veniam nec heredes mei aliquo tempore venire poterunt Hiis testibus Galfrido de kinsedelega Symone Bungi et multis aliis

Source Fulltext: Cartulary of Shrewsbury Abbey. Una Rees. National Library of Wales. Aberystwyth. 1975.