Theodbaldus Dei gratia Cantuariensis archiepiscopus Anglorum primas et apostolice sedis legatus universis ecclesie sancte filiis salutem Causam que nitebatur inter monachos Elyenses et Willelmum de Laventuna archidiaconem super ecclesias de Hauechestuna et Neutona interveniente transactione diffinitam sicut carta monacorum eam diffinitam esse testatur ratam habemus et confirmamus salvo redditu annuo monachorum quem idem archidiaconus eis solvet singulis annis videlicet x solidos annuos Causas quoque aliarum ecclesiarum videlicet de Meldeburna quam Philippus de Maisi tenet qui annuatim eis marcam argenti solvet de Lakingehyda et de Hundeleia unde Wluuardus reddet annuatim v solidos excepta tertia garba de Lakingehyda et duabus de Undeleia quas monachi retinent in manu sua interveniente compositione diffinivimus ita ut predicti in vita sua tenebunt nomine monachorum et post eorum decessum redibunt in usus monachorum De capella etiam de Stunteneia reddet annuatim Ioseph xii solidos ad iiii terminos Post discessum ipsius Ioseph redibit supradicta capella ad luminaria ecclesie Elyensis Hoc namque ante nos similiter diffinitum est Compositionem quoque factam inter ipsos monachos et Nicholaum capellanum de Winthewrtha sicut carta fratris nostri Nigelli Elyensis episcopi eam factam esse testatur ratam habemus et confirmamus Test[] Thoma de Lund[] et Philippus cancellarius et Willelm[] de Ver et Petr[] scrib[] Valete Apud Thenham

Source Fulltext: Liber Eliensis. E. O. Blake. Camden Third Series, V.92. Offices of the Royal Historical Society. London. 1962.