Die mercurii in septimana Pentecostes anno regni regis Edwardi tricesimo primo cum contencio mota esset inter fratrem Ricardum priorem de Burscou et eiusdem loci canonicos ex una parte et Gilbertum de Scaresbrek et Robertum de Hurleton[] ex altera de finibus et divisis ex altera de finibus et divisis inter Ormeskirk et Hurleton[] et eciam inter predictos priorem et canonicos ex una parte et Gilbertum de Scaresbrek ex altera de metis et divisis inter Merton[] et Scaresbrek tandem in hunc modum lis conquievit videlicet quod tam predicti prior et canonici quam predicti Gilbertus et Robertus quoad metas et divisas inter Ormeskirk et Hurleton alternatim concesserunt quod Thoralde Stub in Mallelone sit capitalis divisa in occidentali parte ubi contencio fuit inter dictas villas et de Thoraldestub liniatim usque ad cornerium fossati Ricardi capellani in austro et sic sequendo fossatum campi illius usque ad cornerium campi Symonis Tupe ubi vetus composicio incipit inter partes predictas et eciam quoad metas et divisas inter Scaresbrek et Merton[] tam predictus Gilbertus quam predicti prior et canonici alternatim concesserunt quod super contencione et calumpnia facta ex parte dicti prioris de Depedaleheved ubi vetus composicio desivit usque in Merton[]pull[] et sic usque ad maram magnam et ex parte predicti Gilberti de Longschagheved sequendo Longschagh[] Broke usque ad magnam maram iuxta heyas dicti prioris ita videlicet quod tota illa placea vasti contenta de Blakelache que est in transverso de fossato Roberti filii Walteri usque ad hayam Willelmi de Depedale prout putei perficiuntur ascendendo usque ad Depedaleheved remaneat predicto Gilberto et eius heredibus pro voluntate sua approwianda salvis tenentibus dicti prioris ibidem manentibus libero introitu et exitu ad communam et quod tota illa placea del Blakelache usque ad magnam maram inter hayam dicti Willelmi et Merton[]pull[] ex una parte liniatim et hayas dicti prioris et Longschagh[] Broke usque ad predictum Blakelache ex altera approwientur quadraginta acre terre ad comodum partis utriusque equaliter difuse ubi competencius et commodius fieri poterit vel plures secundum quod ad comodum utriusque partis accidere poterit si ad hoc consencerit salvo libero introitu et exitu tenentibus dicti prioris de Merton[] ad communam illius mosse et quod totum residuum illius mosse inter predictas divisas remaneat in communa ad pasturandum inter predictos Gilbertum heredes et tenentes suos de Scaresbrek et predictos priorem et canonicos et eorum successores et tenentes impsorum de Merton[] imperpetuum Hanc autem ordinacionem et factum partes gratanter acceptantes predicti Gilbertus et Robertus pro se et heredibus suis parti huius scripti penes predictos priorem et canonicos residenti sigilla sua apposuerunt Dat[] et cetera

Source Fulltext: Cartulary of Burscough Priory. A. N. Webb. Remains, Historical and Literary, Connected with the Palatine Counties of Lancaster and Chester, Third Series V.18. Chetham Society. Manchester Univ. Press. Manchester. 1970.