Universis Christi fidelibus presentes literas audituris Rogerus divina miseracione Coventr[ensis] et Lich[efeldensis] episcopus salutem in omnium Salvatore Noverit universitas vestra quod super porcionibus in quibus vicaria de Huyton[] consistere possit [competenter] inquisicione prehabita diligenti sic vicarium qui pro tempore fuerit ibidem duximus providendum In nomine Domini amen Statuimus et ordinamus quod eiusdem loci vicaria perpetuo duratura consistat in porcionibus infrascriptis videlicet in manso competenti quem capellani consueverunt habere iuxta cimiterium et in tribus selionibus terre extensis in longitudine versus boscum salva priori et canonicis de Burscogh[] via competenti ex transverso dictarum selionum ad grangiam eorumdem item in omnibus oblacionibus anni perquisitis Quadragesime cum denariis emendacionum lino medietate feni porcellis aucis aleis et porrectis lana agnis pomis oblacionibus mortuorum sponsalium purificacionum denariis dominicalium et oblacione cere die purificacionis beate Marie Statuimus eciam et ordinamus quod vicarius qui pro tempore fuerit ibidem medietatem onerum ordinariorum videlicet procuracionum archidiaconalium et synodalium sustineat et agnoscat extraordinaria vero pro porcione ipsum contingente id est pro decem marcis sustineat omni vice In cuius rei testimonium impressio sigilli nostri presentibus est appensa Dat[] Brewode iii non[as] Aprilis anno Domini millesimo ducentesimo septuagesimo septimo et consecracionis nostre vicesimo

Source Fulltext: Cartulary of Burscough Priory. A. N. Webb. Remains, Historical and Literary, Connected with the Palatine Counties of Lancaster and Chester, Third Series V.18. Chetham Society. Manchester Univ. Press. Manchester. 1970.