Noveritis universi quod Nos Capitulum Beati Johannis Beverlacensis auctoritate nostra insuper et virtute mandati Venerabilis Domini T[] Dei gratia Eboracensis Archiepiscopi Angliae primatis quod ostendi et exhiberi volumus scilicet quorum interest temporibus op[p]ortunis ita tamen quod ad nos securiter revertatur sequestravimus omnia bona in praepositura ecclesiae nostrae certis ex causis et legitimis et Robertum de Crak clericum nostrum et Ricardum de Etton Ballivum nostrum praesentium exhibitores custodes sequestri nostri fecimus et ordinavimus per praesentes Dantes eisdem plenam potestatem videndi et custodiendi quae in dicta praepositura contigerint reperiri et ita tamen quod solummodo custodiam habeant nec liceat eis alienare aliquid de repertis sed salvo ut praemittitur ea quae reperta fuerint custodire sicut ipsos nobis et nos dicto patri respondere debito tempore oportebit praesentibus donec eas revocandas duximus valituris Datis ut supra in proximo

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.