In die nomine amen Per presens publicum instrumentum omnibus pateat evidenter quod anno domini ab incarnacione millesimo ccciiii indiccione secunda pontificatus domini Benedicti pape anno primo Domino Roberto dei gratia Cantuariensi Archiepiscopo tocius Anglie primate civitatem et diocesim Norwicensem iure metropolitano visitante In visitacione eiusdem patris coram reverendo viro magistro Rogero de Eyton predicti patris commissario in hac parte et curie sue causarum auditore et negosiorum dicte visitacionis correctore in decanatu de Hecham compertum est quod prior de Sancto Winwallo eiusdem diocesis percipit unam marcam annue pencionis de ecclesia de Hunstanstun predicti decanatus et diocesis predicte Quia predictus prior nomine ecclesie Sancti Wynwalli aliquo tempore consuevit percipere quasdam decimas de terris quondam Ade de Mustroil infra parochiam de Hunstanton antedictam et postea quadam composicione habita ut assaruit prior dictus inter priorem predictum et dicte domus conventum ex parte una et rector [sic] dicte ecclesie de Hunstaneston ex altera quod dictus prior percipiet a dictis rectoribus unam marcam pro dictis decimis ut dicitur et allegavit Idem Prior super hoc dicit se et domum suam super hiis sufficienter fuisse munitos Et quare difficile erat sibi probacio et exhibicio munimentorum compositum erat inter ipsum priorem et procuratorem abbatis et conventus rector [sic] dicte ecclesie de Hunstaneston quod dictus prior percipiat a dictis rectoribus x s annuatim in festo Sancte Margarete virginis et nichil amplius ab illo tempore Et partes predicte de voluntate eorumdem ad observaccionem dicte composicionis per discretum virum Magistrum Rogerum de Eyton predicti Patris Cantuariensis Archiepiscopi in hac parte comissarium et curie sue causarum auditorem et predicte visitacionis correctorem erant condempnati sicut in rotulis dicte visitacionis coram eodem auditore et correctore confectis et scriptis perplene continetur cuius articuli iste est tenor prior de Sancto WynWallo percepit unam marcam annue pencionis de ecclesia de Hunstanston comperet prior in iudicio et dicit quod aliquo tempore consuevit percipere quasdam decimas Ade de Mustrail infra parochiam antedictam Et consequenter convenit inter ipsum priorem et rectorem de Hunstaneston quod dictus prior perciperet a dictis rectoribus unam marcam pro dictis decimis et habet diem ad probandum ad proximum diem iuridicum post festum ascencionis Domini pro termino peremptorio Quo die comperet procurator abbatis de Haghmon et prior predictus personaliter et dicit idem prior quod munimenta sua Bunt in transmarinis partibus ita quod difficile est sibi probacio Et consensum est inter partes predictos quod ad huc percipiat idem prior pro huius decimis x s annuatim in festo beate Margarete virginis apud Hunstaneston et nichil amplius in pecunia vel rebus aliis aut decimis quibuscumque Et sunt partes ex corum voluntate ad dictam composicionem servandam comdempnati apud Tyveteshale in crastino ascencionis Domini Subscriptio notarii Et ego Alanus Alani de Dersingham clericus Norwicensis diocesis publicus notarius sacrosancta Imperiali auctoritate premissi articuli tenorem in prenominatis rotulis vidi et diligenter examinavi et illum in hoc publico instrumento de verbo ad verbum transcripsi nichil addens vel minuens quod sensum mutat aut racionem Et predicta signo meo solito et nomino proprio roboravi rogatus per procuratorem dicti abbatis predictum

Source Fulltext: The Cartulary of Haughmond Abbey. Una Rees. Shropshire Archaeological Society and Univ. of Wales Press. Univ. of Wales Press. Cardiff. 1985.