Universis sanctae matris ecclesiae filiis ad quos pervenerit haec scriptura Capitulum [...] Quia pium pariter et honestum inter caetera caritatis opera reputatur perhibere testimonium veritati Universitati vestrae notum facimus per praesentes quod Dominus Thomas de Wyverthorp presbiter vicarius noster exhibitor praesentium vir bonae famae et integrae vitae laudabilis et honestae inter nos in nostra ecclesia diutius conversatus ad omnes sacros ordines ad praesentationem nostram per legitima temporum interstitia ordinatus in officio sacerdotis per duodecim annos et amplius laudabiliter in eadem ecclesia ministravit ac in quantum nos humana fragilitas nosse sinit tempore dati praesentium non suspensus non excommunicatus nec irretitus ullo alio crimine existebat In cujus rei testimonium sigillum nostrum praesentibus erat appensum Datis in Capitulo praedicto anno Domini m ccc quarto iiij Kalendas Januarii

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.