Sciant etc. quod ego Johannes de La Ponde de Stok[] Einesham dedi etc. Radulpho Loveday et Hodierne uxori sue et heredibus dicti Radulphi unam virgatam terre arabilis in villa de Garinges illam silicet quam habui ex dono Willelmi Maunsel et Doucekyna Malosel et vocatur dicta terra Malosellislond cum haiis fossatis communis pascuis pasturis et suis ubique pertinenciis quibuscumque habend et tenend dictam virgatam terre cum haiis etc. et omnibus pertinenciis suis predictis prefato Radulpho et Hodierne predicte et heredibus dicti Radulphi libere quiete bene et in pace integre iure hereditario inperpetuum faciendo inde capitalibus dominis etc. Et ego predictus Johannes de la Ponde et heredes mei vel assignati totam predictam virgatam terre cum omnibus suis pertinenciis prenominatis prefato Radulpho et Hodierne antedicte et heredibus sepedicti Radulphi integre warantizabimus aquietabimus et contra omnes gentes inperpetuum defendemus Et ad maiorem dicte terre warantie securitatem obbligo totam terram meam quam habeo in Stok[] Einesham ad quorumcumque manus devenerit seu etiam in totam terram que michi aliquo modo descendere poterit inperpetuum Et quia volo quod hec mea donacio concessio et presentis carte mee confirmatio cum warantia ut predictum est perpetue firmitatis robur optineat hanc presentem cartam sigilli mei inpressione roboravi Hiis testibus Willelmo Loveday Johanne Loveday Waltero Roberd Willelmo Swetman Johanne de Burfeld Thoma le Ku Johanne Justice Johanne Sundi Johanne Neel et aliis Dat apud Stok[] Einesham die Dominica proxima post festum sancti Leonardi abbatis anno regni regis Edwardi tricessimo secundo

Source Fulltext: A Collection of charters relating to Goring, Streatley and the neighborhood, 1181-1546. T. R. Gambier-Parry. Oxfordshire Record Series, V.13. The Oxfordshire Record Society. Oxford . 1931.