Per praesentes pateat universis quod Nos Capitulum Beati Johannis Beverlacensis in omnibus et singulis causis et negotiis querelis quaestionibus articulis motis vel movendis per nos vel contra nos coram quibuscunque judicibus competentibus ordinariis delegatis vel coram commissariis quibuscunque diebus et locis dilectum nobis in Christo Robertum de Grimesby latorem praesentium nostrum facimus ordinamus et constituimus procuratorem Dantes eidem generalem potestatem et mandatum speciale nomine nostro agendi et defendendi excipiendi retroveniendi replicandi appellandi appellationem prosequendi provocandi status nostri reformationem in integrum restitutionem necnon expensas et dampnorum aestimationem quatinus opus fuerit petendi et recipiendi ponendi et positionibus respondendi ac etiam jurisdictionem nostram spiritualem et temporalem de omnibus et singulis canonicis et vicariis clericis et aliis tenentibus nostris quibuscunque coram judicibus quibuscunque petendi calumpniandi et exigendi quoties opus fuerit in aliquo eventu et cetera omnia et singula procurandi faciendi expediendique per verum et legitimum procuratorem mandato generali vel speciali potuerit expediri rem ratam haberi et judicatam solvi pro procuratore nostro supradicto promittimus per praesentes et sub ypoteca rerum nostrarum exponimus cautiones In cujus rei testimonium sigillum nostrum praesentibus est appensum Datis Beverlaci xij Kalendas Octobris anno Domini m ccc quinto

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.