Hec est finalis concordia facta in curia domini regis apud Westmonasterium in octabis s Michaelis anno r r h[enrici] filii regis Johannis xvii coram Willelmo de Ralegh[] Roberto de Lex[] Willelmo de Ebor[] Radulpho de Norwic[] w[illelmo] de Insula Ada filio Willelmi et Willelmo de S Eadmundo justiciariis et aliis domini regis fidelibus tunc ibi presentibus inter Nicholaum filium Willelmi et Ceciliam vxorem eius Ricardum filium Willelmi et Oreniam vxorem eius petentes per predictum Nicholaum positum loco ipsorum ad lucrandum vel perdendum et Hugonem abbatem de C tenentem de ii carucatis terre cum pertinenciis in Eston[] vnde placitum fuit inter eos in eadem curia sc quod predictus abbas dedit et concessit ipsis Nicholao Cecilie Ricardo et Orenge dimidiam uirgatam terre cum pertinenciis de eadem terra sc illam dimidiam uirgatam terre quam Petrus Cobbe tenuit habend et tenend ipsis n[icholao] c[ecilie] r[icardo] et Orenge et heredibus ipsarum Cecilie et Orenge de predicto abbate et successoribus suis et ecclesia sua de C inperpetuum reddendo inde annuatim xii d ad festum s Michaelis pro omni seruicio et exactione Et pro hac donacione concessione fine et concordia ipsi n[icholaus] c[ecilia] r[icardus] et Orenga remiserunt et quietum clamauerunt de se et heredibus ipsarum Cecilie et Orenge totum ius et clamium quod habuerunt in superplusagio tocius predicte terre cum pertinenciis jnperpetuum

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.