Memorandum quod cum abbas et conventus Cirencestr[] Willelmum de Lewyse et Walterum de Piria et ceteros homines de Bardesle domini Reginaldi filii Petri coram quibusdam judicibus auctoritate apostolica traxissent in causam super eo quod fidem homines pretextu cuiusdam consuetudinis magnam partem fructuum cuiusdam prati jacentis juxta Cirencestr[] quod vocatur Dittenham indecimatam asportaverunt et propter eorum manifestam contumaciam et multiplicatam eosdem homines in duabus marcis argenti nomine expensarum fecerunt condempnari tandem dicte partes super premissis ordinacioni magistri W Scamell tunc officialis domini Wygorn[] episcopi prestito sacramento hincinde de parendo eiusdem ordinacioni totaliter se submiserunt Demum partibus in presencia dicti officialis legittime constitutis super dictis decimis ita ordinando decrevit quod dicti homines de Bardesle nullam partem fructuum prati predicti extra idem pratum asportabunt nisi porcio quam inde detulerint a porcione decimata assumatur vel porcionem quam asportant non obstante aliqua consuetudine incontrarium optenta fideliter ibidem decimaverint Ordinacionem tamen super predictis expensis pro loco et tempore faciendam sibi reservavit In cuius rei testimonium presenti memorando dictus officialis sigillum suum apposuit Acta sunt hec apud Clive partibus presentibus legittime de earum consensu die veneris proxima post festum Apostolorum Petri et Pauli anno Domini mccl octavo

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.