Omnibus sancte matris ecclesie filiis ad quos presentes littere pervenerint frater Johannes permissione divina Cantuar[] archiepiscopus tocius Anglie primas salutem et pacem in Domino sempiternam Noveritis nos inspexisse ac diligenter examinasse quasdam litteras felicis recordacionis domini Roberti quondam Cantuar[] archiepiscopi predecessoris nostri sanas et integras in nulla sui parte viciatas tenoris et continencie infrascripte qui talis est [...] et cetera ut patet supra Nos autem quod per eundem predecessorem nostrum factum est in hac parte ratum habentes pariter et acceptum prefatas ecclesias et capellas eisdem abbati et conventui sicut juste et racionabiliter possident per presentes auctoritate metropolitica confirmamus ipsos ab examine nostro penitus dimittentes In cuius rei testimonium sigilli nostri munimine presentem paginam duximus roborandam Dat[] apud Lambith[] quarto non Junii mcc octogesimo primo consecracionis nostre tercio

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.