Uniuersis ad quos presens scriptum peruenerit frater Ricardus abbas de Thame et eiusdem loci conuentus Cisterciensis ordinis salutem in domino sempiternam Nouerit uniuersitas uestra quod cum nos unanimi consensu et voluntate nostra religiosis uiris abbati et conuentui de Oseneya pro recompensacione dampnorum que sibi per subtraccionem seu retencionem decimarum personalium et ortorum et aliarum minutarum decimarum t[antu]m hactenus acciderunt seu accidere poterunt in futurum occasione ingressus nostri seu aliquorum de ordine nostro in aream de Northoseneya infra parochiam dictorum canonicorum per nobilem uirum dominum Eadmundum comitem Cornubie pro monasterio ibidem construendo monachis nostri ordinis imperpetuum deo seruituris ibidem sub certis finibus et terminis designatis iam concessam et collatam triginta sex solidos et octo denarios annui redditus in loco competenti et sibi utili temporibus perpetuis pro nobis et aliis omnibus ordinis nostri ibidem habitantibus uel habitaturis fideliter promisissemus quia in instrumento nostro inde confecto tantum de triginta solidis annui redditus per omissionem fecimus mencionem uolentes agnoscere bonam fidem et omnia secundum quod conuenit fideliter adimplere annuum redditum residuorum sex solidorum et octo denariorum eisdem abbati et conuentui Oseneye unanimiter concedimus et nos ac omnes alios ordinis nostri ibidem deo seruituros ac nostros et ipsorum omnium successores coniunctim et diuisim ad prestacionem eiusdem annui redditus sicut et superioris triginta solidorum in loco competenti et sibi utili faciendam tenore presentium obligamus uolentes et consencientes quod hoc ipsum uenerabilis pater dominus Oliuerus dei gracia Lincolniensis episcopus pronunciet ordinando Ad quam ordinacionem et pronunciacionem super omnibus et singulis predictis audiendam admittendam et ratificandam et ulterius in negocio tam benedictionis aree predicte a dicto domino episcopo petite quam ordinacionis per ipsum faciende etiam in animas nostras iurandum et quicquid nos si presentes essemus facere possemus faciendum dominum Warinum abbatem de Gracia Dei procuratorem nostrum facimus et ordinamus Pro eodem etiam rem ratam haberi et iudicatum solui sub ypotheca rerum nostrarum exponimus cauciones attento tamen quod si dictus dominus comes Cornubye uel ad instanciam nostram seu motu suo proprio quamdam peciam terre iuxta capellam de Frees quam Walterus de Crocford aliquando de dictis canonicis pro dimidia marca per annum tenuit prefato Waltero quiete et pacifice restituat in futurum seu predictus dimidie marce annuus redditus ad manus dictorum abbatis et conuentus Oseneye per impetracionem dicti Walteri seu alio quoquo modo iure pristino reuertatur quod tunc ad prestacionem eiusdem annui redditus dimidie marce predictis canonicis nullatenus teneamur annuo tamen triginta solidorum redditu supradicto manente nichilominus semper saluo quousque in loco competenti ad utilitatem dictorum canonicorum in comitatu Oxonie tantumdem annui redditus dictis canonicis racionabiliter prouiderimus ita tamen quod pro annuo triginta sex solidorum et octo denariorum redditu memorato nullam vendicare nobis uel allegare possimus immunitatem seu quietanciam contra predictos canonicos uel ipsorum successores de locis et terris infra parochiam suam per nos aut successores nostros decetero adquirendis que omnia et singula fideliter obseruare et nichilominus omnimodas maiores decimas prediales bladi garbarum et feni de terris et pratis a nobis seu aliis quibuscumque ordinis nostri in parochia predicta canonicorum Oseneye hactenus adquisitis et deinceps adquirendis predictis canonicis et eorum successoribus seu procuratoribus cum omni integritate sine fraude et difficultate qualibet fideliter persoluere nisi cum eisdem canonicis de eorum uoluntate possimus super ipsis decimis racionabiliter componere et in nullo horum omnium unquam de decetero contravenire in uerbo ueritatis et sacerdotii pro nobis ac aliis quibuscumque ordinis nostri infra aream predictam de Northoseneya decetero habitaturis et nostrum omnium successoribus fideliter promittimus et iuramus subicientes nos omnes et singulos nostrum ac omnia bona nostra in diocese Lincolniensi ac omnes alios ordinis nostri ibidem deo seruituros ac nostros et ipsorum omnium successores coniunctim et diuisim iurisdiccioni et cohercioni dicti patris et successorum suorum ut ipsorum quiuis quociens forsan fidem fefellerimus in aliquo de predictis possit nos statim visa presenti littera de plano et sine strepitu seu figura et ordine iudiciali de die in diem per interdicti suspensionis et excommunicacionis sententias ac bonorum nostrorum sequestracionem compellere ad plenam obseruacionem omnium predictorum scilicet solucionis annui redditus triginta sex solidorum et octo denariorum in forma predicta necnon et solucionis maiorum decimarum predialium bladi garbarum et feni de terris adquisitis et adquirendis in forma predicta non obstantibus priuilegiis seu indulgenciis generalibus seu specialibus cuiuscumque tenoris existant nobis seu ordini nostro communiter uel diuisim a sede apostolica uel aliunde concessis seu concedendis quibus omnibus ac aliis excepcionibus et omni supplicacioni et beneficio in integrum restitucionis appellacionibus prouocacionibus defensionibus et remediis uniuersis quibus nos forsan contra premissorum aliqua tueri possemus specialiter nominatim et expresse renunciamus in hiis scriptis In cuius rei testimonium sigillum nostrum presentibus est appensum Act[] apud Thame die Assumpcionis beate Marie virginis anno domini mcc octuagesimo primo

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.