Omnibus Christi fidelibus presens scriptum visuris vel audituris Rogerus de Pekynghull[] salutem in Domino sempiternam Noverit universitas vestra me remisisse et omnino pro me et heredibus meis quietumclamasse Galfrido de Polham clerico et heredibus suis vel assignatis suis totum jus et clamium quod habui vel aliquo modo habere potui in quodam tenemento cum omnibus suis pertinenciis in Latton[] quod quidem tenementum habui ex dono et concessione Willelmi Scotmodi de Latton Remisi eciam et omnino pro me et heredibus meis quietumclamavi Galfrido predicto et heredibus suis vel assignatis suis totum jus et clamium quod habui vel aliquo modo habere potui in dote Marie matris Willelmi Scotmodi predicti in villa et campis de Latton[] supradicta ita quod nec ego Rogerus de Pekynghull[] predictus nec aliquis heredum meorum in tenemento predicto vel dote predicta vel aliqua parte ipsorum aliquid juris vel clamii de cetero exigere poterimus seu vendicare set ab omni jure aliquid in predicto tenemento vel dote predicta exigendi vendicandi seu percipiendi exclusi simus imperpetuum In cuius rei testimonium et cetera

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.