Sciant presentes et futuri quod ego Galfridus de Polham clericus dedi concessi et hac presenti carta mea confirmavi domino Henrico abbati Cirencestr[] et eiusdem loci conventui et eorum successoribus in puram et perpetuam elemosinam totum tenementum meum in Latton[] ut in omnibus croftis terris pratis pascuis et pasturis cum omnibus aliis pertinenciis suis tam infra villam de Latton[] quam extra quod quidem tenementum habui ex dono et concessione Rogeri de Pekynghull[] et Mathei de Pekynghull[] filii Rogeri supradicti simul cum dote Marie de Dunefelde cum acciderit que fuit uxor quondam Willelmi Scotmody de Latton[] sine ullo retenemento mei vel heredum meorum vel assignatorum meorum quorumcumque habend et tenend totum tenementum predictum cum reversione dotis predicte cum acciderit et cum omnibus aliis pertinenciis suis domino[] abbati et conventui supradictis et eorum successoribus in puram et perpetuam elemosinam imperpetuum Ego vero Galfridus de Polham predictus et heredes mei totum predictum tenementum cum reversione dotis predicte cum acciderit et cum omnibus aliis pertinenciis suis ut predictum est dominis abbati et conventui supradictis et eorum successoribus contra omnes mortales warantizabimus acquietabimus et defendemus imperpetuum In cuius rei testimonium et cetera

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.