Hec est finalis concordia facta in curia domini regis apud Westm[] a die Pasche in quindecim dies anno regni regis Henrici filii regis johannis quadragesimo tercio coram Rogero de Thurkelby Gilberto de Preston[] et johanne Wyvill[] justiciariis et aliis domini regis fidelibus tunc ibi presentibus inter Baldewynum de Insula querentem et Rogerum abbatem de Cirencestr[] per Nicholaum de Cirencestr[] positum loco suo ad lucrandum vel perdendum de hoc quod idem abbas faceret sectam ad hundredum ipsius Baldewini de Creckelade de tribus septimanis in tres septimanas et similiter sectam ad idem hundredum singulis annis bis scilicet quando visus franci plegii esset tentus in eodem hundredo et unde placitum fuit inter eos in eadem curia scilicet quod predictus Baldewynus remisit et quietumclamavit de se et heredibus suis predicto abbati et successoribus suis et ecclesie sue de Cirencestr[] totum jus et clamium quod habuit exigendi aliquam sectam de eodem abbate et successoribus suis sive hominibus infra maneria de Latton[] et Eysy existentibus ad predictum hundredum imperpetuum ita quod idem Baldewynus vel heredes sui vel eorum ballivi de cetero nullum habeant ingressum infra metas predictorum maneriorum de Latton[] et Eysy ad aliquid ibi percipiendum vel percipiendum salvis eidem Baldewyno et heredibus suis et eorum ballivis quod possint habere liberum ingressum et egressum infra predicta maneria ad districciones faciendas pro debitis eiusdem domini regis levandis si ballivi ipsius abbatis et successorum suorum in predictis debitis levandis defecerint postquam preceptum domini regis inde receperint per ballivos ipsius Baldewyni et heredum suorum Et si contingat aliquem hominem infra predicta maneria de Latton[] et Eysy manentem infra metas libertatis predicti Baldewini aliquo pro quocumque delicto attachiari predictus abbas et successores sui et eorum ballivi curiam suam inde habebunt sine aliqua contradiccione ipsius Baldewini vel heredum suorum vel eorum ballivorum Et pro hac remissione quietaclamancia fine et concordia idem abbas dedit predicto Baldewino quinquaginta marcas argenti

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.