Aegidius Dei patientia Sarum ecclesiae minister humilis dilectis in Christo filiis Roberto decano et capitulo Sarum salutem gratiam et benedictionem Supplicationem vestram recepimus quod cum facultates communae ecclesiae nostrae Sarum adeo sunt tenues et exiles quod non sufficiunt ad ipsius onera pro duabus partibus anni supportanda vobis super hoc dignaremur paternaliter subvenire Nos igitur defectus communae non ut vellemus sed ut valemus supplere quomodo libet cupientes circumspectione deliberatione ac discretorum et Deum timentium consilio praehabitis super hoc tractavimus diligenter Unde dilectis filiis Nicholao de Laking ecclesiae de Weremenistre rectore ac defensore loci archidiacono et aliis quos ipsum negotium contingit sufficienter requisitis an aliquid vellent proponere vel objicere quare de fructibus et proventibus ipsius ecclesiae de Wermenistre in qua jus patronatus obtinemus tantae necessitati communae subvenire minime deberemus ipsisque nihil in hac parte objicientibus nos de ipsorum voluntate et consensu expresso vobis et per vos successoribus vestris intuitu caritatis concedimus ut omnes fructus et proventus praedictae ecclesiae de Wermenistre cum proxime quocunque modo vacaverit in proprios usus praefatae communae cedant temporibus perpetuis et futuris salva competenti vicaria in ecclesia memorata Ita quod vicarius ipsius ecclesiae qui pro tempore fuerit omnia onera ordinaria in solidum extraordinaria vero pro rata suae portionis agnoscat cujus quidem vicariae collationem nobis et successoribus nostris reservamus Ordinantes nihilominus et statuentes quod anniversarium bonae memoriae Willelmi praedecessoris nostri de caetero necnon et nostrum post obitum nostrum annuatim in dicta ecclesia nostra Sarum celebrentur in perpetuum in divinis obsequiis elemosinis et aliis piis operibus per omnia sicut anniversarium bonae memoriae Herberti praedecessoris nostri in eadem ecclesia debet et consuevit celebrari Et quod praedicta communa omnia onera quae ad praedicta praefati Willelmi episcopi praedecessoris nostri et nostrum anniversaria praedicto modo facienda incumbent de fructibus saepe nominatae ecclesiae de Wermenistre vobis concessis in perpetuum sustineat et agnoscat juxta instrumenti vestri sigillo vestro communi assignati tenorem subscriptum Universis praesentes literas inspecturis vel audituris Robertus decanus et capitulum Sarum salutem in Domino sempiternam Mos est sacratissimus et pietas ecclesiarum ut [iis] qui locis religiosis et sanctis collegiis aliqua conferunt beneficia temporalia beneficia sibi grata vicissitudine rependantur Cum igitur venerabilis pater ac dominus noster aegidius Dei gratia Sarum episcopus et bonae memoriae Willelmus de Eboraco praedecessor ejus in augmentum communae ecclesiae nostrae multa nobis contulerunt beneficia communiter et concorditer volumus et concedimus pro nobis et successoribus nostris quod praefati Willelmi de caetero necnon et ipsius domini Egidii post obitum ejus anniversarium in ecclesia nostra celebretur in perpetuum in divinis obsequiis elemosinis ac aliis piis operibus per omnia sicut anniversarium bonae memoriae Herberti ecclesiae nostrae episcopi statutum et consuetum est celebrari Nos vero pro nobis et successoribus nostris onera quae ad anniversarium praedictorum Willelmi et Egidii praedicto modo faciendum incumbent de fructibus ecclesiae de Wermenistre quos salva vicaria competenti praefatus dominus noster aegidius in proprios usus communae nostrae caritatis intuitu concessit et assignavit agnoscere promittimus et in perpetuum sustinere Cujus quidem vicariae collationem de voluntate nostra spontanea pura et absoluta et nostro unanimi consensu proprio expresso sibi et successoribus suis reservavit In cuius rei testimonium praesens scriptum sigillo nostro communi duximus muniendum Datum in capitulo nostro Sarum iii nonas Maii anno Domini m cc lix Ad quorum omnium et singulorum firmitatem perpetuam praesens scriptum cui sigillum vestrum commune ad majorem securitatem est appensum sigilli nostri munimine duximus roborandum Datum Sarum iii nonas Maii pontificatus nostri anno tertio

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.