Inquisicio capta coram Nicholao de Perschute vicecomiti Berk[] apud Esthakeborn[] die dominica proxima ante festum beati Barnabe apostoli anno regni regis Edwardi xxxv si sit ad dampnum vel prejudicium domini regis aut aliorum si ipse dominus rex concedat dilecto sibi in Christo abbati de Cirencestr[] quod ipse quandam semitam que ducit per mediam curie eiusdem abbatis apud Esthakeborn[] ad ecclesiam eiusdem ville ad elargacionem curie sue predicte obstruere et eam sic obstructam tenere possit sibi et successoribus suis imperpetuum ita quod in solo suo proprio ibidem loco eiusdem semite faciat quandam aliam semitam eiusdem latitudinis ac eidem ecclesie adeo propinquam et transeuntibus competentem necne et quantum terre semita illa continet in se in longitudine et latitudine per sacramentum Ricardi Huscarl Thome de Sandervile Manseri de Morton Walteri Baillol johannis de Sanderville Willelmi de Aula Nicholai de Medeford[] Roberti Pakeday Willelmi atte Fortheye Ricardi le Fouler[] Milonis de Chilton[] et Roberti de Chilton[] qui dicunt per sacramentum suum quod non est ad dampnum neque prejudicium domini regis nec aliorum quominus dictus rex concedat dicto abbati quod ipse dictam semitam obstruere et eam sic obstructam tenere possit sibi et successoribus suis imperpetuum in forma predicta nisi tantummodo ad dampnum hominum ville de Westhakeborn[] qui sunt de parochia dicte ville de Esthakeborn[] et qui per dicta semitam versus dicta ecclesiam transire debent in hoc videlicet quod dictus abbas nullam in solo suo proprio ibidem loco dicte semite facere potest aliam semitam eidem ecclesie adeo propinquam Tamen dicunt quod dictus abbas facere potest ibidem in solo suo proprio loco dicte semite aliam semitam eiusdem latitudinis dictis hominibus et omnibus aliis transeuntibus magis competentem et dicunt quod dicta semita continet in se quinquaginto sex perticas terre in longitudine et sex pedes in latitudine In cuius rei testimonium predicti jurati huic inquisicioni sigilla sua apposuerunt Dat[] apud Esthakeborn[] die et anno supradictis

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.