Inquisicio facta per preceptum domini regis die Martis proximo post festum sancti Mathie apostoli an abbas Cirencestr[] habere consuevit singulis annis unam fagum in dominico bosco domini regis apud Cocham contra Natale Domini et qualem communam pasture idem abbas habere debeat in maneriis de Cocham et Bray que venit per Ricardum Ailin[] Edwardum Swilt [] Willelmum de Meyehude Robertum Babam Rogerum Salfe Willelmum de Wyke Michaelem de Braye johannem de la More Walterum Budde Galfridum Blund[] Adam de Schobenhangre Osbertum de Benefeld[] Walterum Frund qui jurati dicunt quod dictus abbas singulis annis dictam fagum habere consuevit usque ad tempus quod Walterus Burgo fuit custos dominicorum set dicunt quod tempore Huberti de Burgo quando fuit custos voluit ei aufferri de uno anno set abbas recuperavit coram domino Huberto et per preceptum eius dicunt eciam quod dictus abbas debet et solet habere unam carucam apud Cocham in pastura que vocatur Wytebrok[] de qua idem Walterus cum aliquando disseisivit Debet eciam habere sex vaccas et unum taurum cum vaccis domini regis et exitibus duarum vaccarum de duobus annis Dicunt eciam quod abbas habere consuevit in pastura que vocatur Kocmerse unum jumentum et unum pullum duorum annorum scilicet donec sit etatis duorum annorum et alium pullum unius anni de quo jumento et pullo dictus Walterus cum disseisivit et adhuc sunt disseisiti Dicunt eciam quod dictus abbas debet habere in predicta pastura totum nutramentum suum de porcis apud Cocham a festo Invencionis sancte Crucis usque ad autumpnum unde dictus Walterus cum disseisivit et adhuc disseisitus est De Braye dicunt quod debet habere carucam suam in omnibus pasturis cum bobus domini regis exceptis duabus scilicet Estcroft et Heye Debet eciam habere in quadam pastura communa que appellatur Haldefeld[] nutramentum suum de vaccis omnibus et equis et pullis per totum annum et nutramentum suum de porcis suis ab Hockeday usque ad autumpnum et eosdem porcos scilicet nutramentum suum debet habere in pastura bosci de Braye scilicet in bosco qui appellatur [] et in Altewode debet habere nutramentum suum porcorum a festo sancti Mathie usque festum sancti Michaelis Dicunt eciam quod abbas debet habere nutramentum porcorum apud Cocham in bosco qui appellatur Inwode et Eysulle a festo sancti Michaelis usque ad festum sancti Martini quando dominus rex imponit porcos suos

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.