Uniuersis sancte matris ecclesie filijs ad quos presens scripta peruenerit J diuina miseracione abbas de Eignesham totusque eiusdem loci conuentus salutem in domino Ad vniuersitatis uestre noticiam uolumus peruenire quod mota esset inter nos ex una parte et priorem et conuentum de Luffelde ex altera coram de Wrocstone et de Nortone et de Ministre prioribus iudicibus a domino papa delegatis super redditu decem solidorum annorum nobis a dictis priore et conuentu de Luffelde racione subieccionis aliquando debitorum partibus coram dictis iudicibus in iudicio constitutis lis sub hac forma conquieuit videlicet quod nos unanimi assensu et consilio capituli nostri dictos decem solidos prefatis priori et conuentui de Luffelde vna cum omni accione quam erga eos habuimus uel aliquo tempore habere poterimus deum pro oculis habentes visis eorum instrumentis penitus relaxauimus atque remisimus sub fide nostra firmiter promittentes quod neque nos neque aliqui successorum nostrorum nomine dicti redditus uel racione alicuius subieccionis aduersus eos uel eorum successores de cetero controuersiam mouebimus aut accionem intentabimus Insuper adiuuentes sub eadem fide quam prius promittendo quod nos omnia instrumenta uel munimenta dicto priori et conuentui de Luffelde contingencia eisdem fideliter restituerimus Et si tamen fortuito processu temporis aliquid instrumentum penes nos vel successores nostros fuerit repertum quod eos vel eorum successores contingit uel contingere possit eisdem ut predictum est absque omni dilacione resignabimus Pro hac autem relaxione resignacione siue quieta clamacione dederunt nobis dicti prior et conuentus de Luffelde decem marcas argenti premanibus Et ne a nobis uel successoribus nostris quod absit istud in irritum possit reuocari nos huic scripto signa nostra vna cum signis dictorum iudicum apposuimus impetratis scilicet et impetrando obiectis et obiciendis et omni auxilio iuris tam ciuilis quam canonici renunciantes Acta apud Eignesham anno gracie m cc xl in crastino Sancti Gregorij Hijs testibus priore de Wrocstone priore de Nortone priore de Minstre et eorum commissarijs videlicet Galfrido vicario de Wittene Willelmo eiusdem loci capellano et Roberto Ailwi clerico Ada capellano Ada Palmer Ricardo decano de Thorneberge Roberto decano de Murell Radulfo vicario de Euerssawe Ricardo clerico de Seluestone Willelmo de Brantestone Symone clerico de Luffelde et alijs

Source Fulltext: Luffield Priory Charters. Gerald Ranking Elvey. Northamptonshire Record Society, V.22 P.1. Northamptonshire Record Society. Jordens (Bucks.). Oxford. 1968.