Omnibus Christi fidelibus et cetera Noverit universitas vestra nos ad presentacionem abbatis et conventus de Cirencestr[] dilectum in Christo filium Willelmum de Rowell[] capellanum ad perpetuam vicariam ecclesie de Rowell[] de consensu eorum ordinatam admisisse ipsumque in ea canonice vicarium perpetuum instituisse Constat autem dicta vicaria in toto altaragio eiusdem ecclesie et duarum capellarum ad eam pertinencium scilicet capelle sancte Marie in eadem villa et capelle de Overton excepta tota decimacione lane et medietate decimacionis agnorum cum tot agni in numero extiterint quod agnus decimus inde possit provenire Si veto propter paucitatem agnorum decimam argento redimere oporteat argentum illud cedet in usus vicarii Habebit edam idem vicarius mansum juxta ecclesiam quod fuit Rogeri Marchand[] et procurabit hospicium archidiaconi et omnia alia onera ordinaria dicte ecclesie et capellarum ad eam pertinencium debita et consueta sustinebit salvis in omnibus episcopali consuetudine et cetera Quod ut perpetuum optineat firmiter et cetera Hiis testibus Roberto archidiacono Huntingdon[] et Matheo archidiacono Oxon[] magistro Waltero de Well[] et Petro de Bathon[] canonicis Linc[] magistro Willelmo de Cant[] Willelmo de Cava et Olivero de Chedn[] Dat[] per manum Thome de Fiskerton capellani canonici Linc[] apud Lydint[] iiij Non Augusti pontificatus nostri anno xij Tenor littere suprascripte in matriculis venerabilis patris domini Hugonis secundi inventus est illibatus In cuius rei testimonium nos Ricardus miseracione divina Lincoln[] episcopus nostrum presentibus fecimus sigillum apponi Dat[] apud Lydinton[] xvj Kal Martii anno Domini mcc septuagesimo octavo et pontificatus nostri xxj

Source Fulltext: The Cartulary of Cirencester Abbey, Gloucestershire. C. D. Ross. Oxford University Press. London. 1964.