Acta in majori ecclesia Wellensi die Mercurii proxima post festum Sancti Andreae Apostoli anno Domini millesimo ducentesimo octogesimo tertio coram nobis officiario venerabilis patris domni Roberti Dei gratis Bathoniensis et Wellensis episcopi auctoritate ordinaria cognoscentibus in causa super quadam annua pensione x librarum mota inter religiosos viros abbatem et conventum monasterii Beati Petri Gloucestriae actores per fratrem Johannem de Helyun commonachum et procuratorem suum legitime constitutum comparentes a parte una et magistrum Thomam dictum Stede rectorem ecclesiae de Burenham Bathoniensis et Wellensis dyoecesis reum personaliter comparentem ex altera videlicet cum inter partes praedictas coram diversis judicibus auctoritate apostolica cognoscentibus orta fuisset materia quaestionis tam super ecclesia praedicta de Burenham quam praefata annua pensione dictis religiosis et monasterio eorum ac prioratui suo de Ewyas a praedicto magistro Thoma nomine praedictae ecclesiae suae debita ut dicebant praedictae partes omnibus processibus habitis inter eas coram judicibus quibuscunque renunciarunt expresse et in nos tanquam in ordinarium ipsorum quo ad causam praedictam consenserunt corporali super hoc hinc inde praestito juramento quod nostrae starent dispositioni seu ordinationi quam in hac parte duxerimus proferendam volentes et concedentes quod nos de meritis dictae quaestionis et juribus partium cognosceremus summarie quaestionem seu causam fine debito terminaremus eandem Cumque constaret nobis praefatum magistrum Thomam ad dictos diem et locum per nos fuisse citatum peremptorie quod compareret ibidem responsurus dictis religiosis super annua pensione praedicta et etiam eidem magistro libellum conventionalem a parte dictorum religiosorum oblatum et per nos sibi traditum extitisse prout in quodam memorando super hiis confecto liquide apparebat cujus tenor talia est [...] Nos igitur inspectis et plenius intellectis dictis instrumentis originalibus pro jure dictorum religiosorum quantum ad pensionem praedictam dilucide facientibus quibus adhibita fuerat plena fides audita etiam confessione dicti magistri Thomae facta in judicio coram nobis ex hiis et aliis juris adminiculis de meritis et veritate quaestionis seu causae ipsius ac juribus partium plenius instructi de jure peritorum nobis assidentium consilio ad diffinitivam sententiam processimus in hunc modum In Dei nomine Amen Cum in recta statera judicii non quod dubium voluntatis arbitrium sed quod juris ratio praetendit sic attendendum ut sic justitia in judicium convertatur et lex libere reddat litigatoribus quod debetur intellectis causae meritis quae vertebatur inter viros religiosos domnos abbatem et conventum Sancti Petri Gloucestriae petentes quandam annuam pensionem x librarum a magistro Thoma dicto Stede rectore ecclesiae de Burneham Bathoniensis dioecesis nomine ipsius ecclesiae do Burenham tanquam sibi et monasterio suo ac prioratui suo de Ewyas de jure debita et ad suam possessionem vel quasi juris percipiendi pensionem praedictam ab ecclesia de Burenham praemissa et reduci et jus suum in dicta pensione inposterum percipienda declarari per fratrem Johannem de Helyun commonachum et procuratorem eorum legitime constitutum actores comparentes ex parte una et magistrum Thomam dictum Stede rectorem ecclesiae de Burenham praedictae reum personaliter comparentem ex altera coram nobis officiarius praedictus invenientes dictos religiosos suam intentionem quoad jus et possessionem percipiendi dictam pensionem per instrumenta exhibita coram nobis et confessionem partis reae et alia juris adminicula plene probasse dictos religiosos et monasterium eorundem ac prioratum suum de Ewyas supradictum ad statum percipiendi praedictam annuam pensionem decem librarum de ecclesia de Burenham praedicta per manum rectoris qui nunc est et aliorum qui erunt pro tempore in ipsa ecclesia reducendos declaramus et hae nostra sententia reducimus et restituimus ad perceptionem ac ipsam pensionem et jus percipiendi eandem ad ipsos religiosos monasterium eorum et prioratum de Ewyas antedictum de jure pertinere ipsosque religiosos eandem pensionem annis singulis in posterum de jure percipere debere Similiter sententialiter declaramus et diffinitive pronunciamus praefatumque rectorem nomine suo et suae ecclesiae antedictae ac ipsam ecclesiam ad solutionem seu praestationem annuae pensionis praedictae futuris temporibus dictis religiosis et monasterio ipsorum ac prioratui suo de Ewyas singulis annis in prioratu Sancti Jacobi Bristolliae in festo Paschae et in octabis Omnium Sanctorum per aequales portiones faciendam juxta formam et conscientiam dictorum instrumentorum et concessionum Savarici et Willelmi quondam Bathoniensis et Wellensis episcoporum quibus per hanc sententiam non intendimus derogare diffinitive in hiis scriptis condemnamus Datum et actum apud Wellas etc

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.