Universis Christi fidelibus ad quos praesens scriptum pervenerit Reginaldus permissione divina abbas Sancti Petri Gloucestriae salutem in Domino Noverit universitas vestra quod cum quaedam secta ad hundredum de Wistan esset exacta a toto tenemento quod Walterus de Croilli aliquando tenuit in villa de Fareleye nec dum esset determinatum utrum unus pro omnibus an omnes praedicti tenementi tenentes dictam sectam deberet seu deberent facere nos senectuti et imbecillitati Johannae filiae Walteri de Croili praedicti de Fareleye compatientes ipsam Johannam pro toto tenemento suo quod tenuit in Fareleya anno regni regis Eadwardi decimo in dominico suo de praedicto hundredo suo perpetuo aquietabimus et defendemus ita quod ipsius haeredes post ipsius decessum pro ipsa et de ipsa secta faciant quod de jure facere tenentur et nullum nobis seu successoribus nostris generetur praejudicium ratione hujus concessionis Nolentes quod praedicta Johanna per ballivos nostros in aliquo injuste vexetur seu gravetur seu per nos et nostros quantum in nobis est in justitia manuteneatur et defendatur In cujus rei testimonium praesenti scripto sigillum nostrum extitit appensum Datum apud Fareleye in vigilia Beati Jacobi Apostoli anno regni regis Edwardi supradicto

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.