Anno gratiae millesimo ducentesimo octogesimo secundo in festo Sancti Michaelis facta est haec conventio inter viros religiosos abbatem et conventum Sancti Petri Gloucestriae ex parte una et Willelmum le Chamberleyn de Fareleie et Benedictam uxorem ipsius ex altera videlicet quod praedictus Willelmus concessit et carta sua confirmavit praedictis religiosis totam terram suam cum pertinentiis quam habuit de feodo illorum in Fareleye ex donatione seu dimissione Lucae le Chamberleyn de la Meresplotte patris sui habend et tenend in liberam et puram et perpetuam elemosinam in perpetuum prout in carta inde confecta plenius continetur Et quod praenominati religiosi retinebunt praedictum Willelmum in servitio liberi servientis utpote messoris grangiarii seu forestarii recepturi eandem liberationem et stipendia quae ipse qui prius in tali stetit servitio rationabiliter recipere consuevit dummodo fideliter eisdem servierit absque manifesta transgressione Et si contingat quod idem Willelmus dum in eorum steterit servitio aliquam fraudem vel furtum fecerit de bonis ad praefatos religiosos spectantibus usque ter omnem transgressionem per se vel suos complices praedictis religiosis factam per virorum fidedignorum considerationem emendabit in duplum Et si tertio inventus fuerit malefactor extunc a servitio ipsorum religiosorum amovebitur ex toto et praefati religiosi sibi ulterius quicquam invenire non tenebuntur ratione praesentis conventionis Praefati etiam religiosi concesserunt praedictae Benedictae uxori suae qualibet die unum parvum panem album et unam lagenam cervisiae conventualis percipiendum de celario suo et quotidie potagium de coquina et singulis annis in festo Sancti Martini unum baconem de pretio duorum solidorum et tria carcosia bidentum de pretio trium solidorum et in capite quadragesimae centum alecia rubea et qualibet septimana die sabbati septem panes esquierii et unam domum in villa Gloucestriae habend et percipiendum omnia praemissa ad terminum vitae suae Dummodo ratam habuit post mortem praedicti Willelmi mariti sui si eum supervixerit donationem seu concessionem quam idem eisdem fecit de tota terra sua praedicta quam habuit ut praedictum est in Fareleye et de dicta terra quicquam nomine dotis seu cujuscunque juris clamio non exegerit a praedictis religiosis Quod si fecerit extunc omnium premissorum cessabit liberatio et praedicti religiosi in aliquo praemissorum beneficio si non erunt amplius obligati sed ipsa praesentis conventionis facto tenebitur extunc eisdem religiosis satisfacere et refundere quicquid a confectione praesentis conventionis annuatim receperit ab ipsis religiosis ut in liberatione supradicta et aliis sibi factis secundum quod per fidedignos poterit aestimari ultra valorem terrae praedictae per annum quae aestimatur per fidedignos ad xii solidos et decem denarios usque ad illud tempus in quo eosdem ceperit vexare In quorum omnium robur et testimonium praesenti scripto sigilla partium etc

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.