Notum sit omnibus tam praesentibus quam futuris quod anno millesimo centesimo quadragesimo quarto ab Incarnatione Domini et Salvatoris nostri Jesu Christi inter domnum Gilebertum abbatem et monachos Gloucestriae et Walterum filium Ricardi filii Pontii in praesentia domini Rogeri comitis Herefordiae et proborum hominum ejus haec est facta conventio Abbas ipse consensu totius capituli sui concessit Waltero et haeredibus suis in perpetuum manerium suum Glasburiam [habend et tenend de Rogero de Thoevi Et Walterus assensu Ricardi fratris sui concessit ecclesiae Beati Petri Gloucestriae terram suam de Estlecche cum omnibus appenditiis suis habend in perpetuum et tenend de Rogero comite Herefordiae ipsius ecclesiae Beati Petri advocato hac tamen conditione ut ecclesia Glasburiae cum terris et decimis et omnibus ad eam pertinentibus in manu et possessione abbatis et monachorum Gloucestriae sicut hactenus ita et semper permaneat et ecclesia de Estlecche in manu et possessione prioris et monachorum de Malverna quibus ex dono praedecessorum Walteri jam diu assignata est illibate et inconvulsa consistat Hanc commutationem inter eos factam concessit dominus Rogerus comes Herefordiae et Walterus pepigit abbati et monachis quod hanc ipsam conventionem faceret concedere Rogerum de Thoevi et carta sua firmare absque omni abbatis vel monachorum gravamine vel pecuniae vel laboris impensa Et ut ista conventio inter eos firma consisteret utrique alteri dominum Rogerum comitem Herefordiae istius conventionis tenend fidejussorem concessit et ipse se in istud plegium misit Hiis testibus

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.