Notum sit praesentibus et futuris quod ego Walterus de Clifforde anno ab Incarnatione Domini millesimo centesimo quadragesimo quarto accepi a Gileberto abbate et monachis Gloucestriae xl marcas et manerium quod appellatur Glasburia in escambium totius terrae meae de Estlecche quam eis in hunc modum tali tenore concessi ut Glasburia transeat loco Estlecche in jus ac dominium meum sitque de caetero saeculari servitio et conditione subjecta Estlecche vero loco Glasburia transeat in ecclesiastica pensione et elemosina et jus atque dominium ecclesiae Sancti Petri Gloucestriae ita nimirum ut monachi teneant eam cum omnibus ad ipsam pertinentibus in perpetuum liberam solutam et quietam ab omni servitio Ego autem et haeredes mei post me respondeamus et monachis plenariam pacem faciamus de servitio quod inde futuris temporibus exigetur Caeterum ecclesia de Estlecche remanebit monachis Malverniae quibus eam pater meus ante donaverat Ecclesia vero de Glasburia cum omnibus ad eam pertinentibus quemadmodum prius erat in dominio et dispositione monachorum Gloucestriae permanebit In hac ipsa conventione comprehensum est etiam hoc ut concessione et carta domini mei de quo tenere solebam Estleche roborari faciam escambium illud ita quod nihil constet abbati vel monachis Gloucestriae Haec autem facta sunt sub praesentia testimonio et assensu Rogeri comitis Herefordiae et Walteri fratris ejus quorum avus Bernardus de Novo Mercato longe ante donaverat Glasberiam in elemosinam ecclesiae Sancti Petri Gloucestriae Hujus escambii testes sunt Robertus episcopus Herefordensis

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.