Notum sit omnibus tam praesentibus quam futuris quod anno Domini millesimo centesimo quadragesimo quarto inter domnum Gilbertum abbatem et monachos Gloucestriae et Walterum filium Ricardi filii Pontii in praesentia domini Rogeri comitis Herefordiae et proborum hominum haec est facta conventio Abbas ipse consensu totius capituli sui concessit Waltero et haeredibus suis in perpetuum habend manerium suam de Glasburia Et Walterus assensu Ricardi fratris sui concessit ecclesiae Beati Petri Gloucestriae terram suam de Estlecche cum omnibus appenditiis suis in escambium hac tamen conditione ut ecclesia de Glasburia cum terris et decimis et omnibus ad eam pertinentibus in manu et possessione abbatis et monachorum Gloucestriae sicut hactenus ita et semper permaneat et ecclesia de Estlecche in manu et possessione prioris et monachorum Malverniae quibus ex dono praedecessorum Walteri jam diu assignata illibata est et inconvulsa permaneat Et ut haec conventio inter eos firma consisteret uterque alteri dominum Rogerum comitem Herefordiae istius conventionis tenend fidejussorem concessit et ipse se in istud plegium misit Hiis testibus

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.