Omnibus Christi fidelibus praesens scriptum visuris vel audituris Henricus Dei gratia abbas et conventus Sancti Petri Gloucestriae salutem in Domino Noverit universitas vestra quod cum esset anno gratiae millesimo ducentesimo quadragesimo tertio quaedam controversia mota inter nos ex una parte et Robertum filium Amaurici de Ledene ex altera super quadam piscaria et gurgite in veteri Ledena inter pratum nostrum et prata dicti Roberti insuper super quadam terra et stagno inter Bernardesham et La Thechemore et etiam super alia terra quae jacet inter moram dicti Roberti et pratum nostrum quod vocatur Bukesmore tandem sub hoc fine conquievit videlicet quod dictus Robertus et haeredes sui habeant dictam piscariam una cum gurgite in perpetuum in eodem loco ubi antecessores sui habere solebant Praeterea pro bono pacis remisimus eidem Roberto et haeredibus suis solum stagni nostri reservato nobis libero transitu cum averiis nostris per dictum stagnum quandocunque voluerimus absque contradictione et impedimento dicti Roberti vel haeredum suorum Dictus vero Robertus concessit nobis pro se et haeredibus suis nobis capere terram ad meliorandum stagnum nostrum quotienscunque voluerimus de terra quae jacet juxta stagnum super qua contentio mota fuit ita tamen quod idem Robertus et haeredes sui habeant totam vesturam dictae terrae et dicti stagni Nos vero dictum Robertum et haeredes suos conservabimus indemnes quo ad sepiendas duas extremitates de Bernardeshame et de la Thechemore ne pro defectu sepis nostrae averia sua imparcentur Praedicta vero terra quae jacet inter moram dicti Roberti et pratum nostrum quod vocatur Bukesmore eidem Roberto et haeredibus suis remanebit in perpetuum Ad haec omnia fideliter observanda nos et dictus Robertus praesenti scripto in modum cyrographi confecto nos obligamus Hiis testibus

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.