Anno ab Incarnatione Domini nostri Jesu Christi millesimo centesimo octogesimo quinto facta est talis concordia inter Thomam abbatem et conventum monasterii Gloucestriae et Nicholaum filium Roberti super capella de Nimdesfelde quod idem Nicholaus et successores sui habebunt ibi cantariam suam et capellanum residentem ita quod persona de Froucestre assensu abbatis et conventus praedicti clericum quendam Adam nomine in perpetuam vicariam praedictae capellae sub annua pensione viginti solidorum dum vixerit receperit Idem vero clericus juramentum praestitit quod fidelis erit matrici ecclesiae de Froucestre et quod praedictum censum personae ejusdem annuatim persolvet medietatem ad Pascha et aliam medietatem ad festum Sancti Michaelis Singuli autem capellani qui loco suo in ecclesia ministrabunt similem fidelitatis praescriptae personae facient cautionem Post discessum vero jam dicti clerici persona de Froucestre assensu et consilio abbatis et conventus quemcunque voluerit vicarium et idoneum sub annua pensione tantummodo duarum marcarum in praefata capella substituet et majorem pensionem ab ullo capellano exigere non poterit Praefatus vero Nicholaus quandam virgatam terrae quam antiquitus capella ex donatione antecessorum suorum possedit eidem in elemosinam perpetuam restituet Et praeterea omnes decimas tam de dominio sue quam de villenagio bladi scilicet et foeni pullorum et vitulorum porcellorum agnorum lanae et lini caseorum et reliquorum omnium ex integro de quibus decimae dari solent absque ulla diminutione concessit Et sciendum quod idem Nicholaus neque haeredes sui cum singuli sibi succedent aliquid sibi juris decaetero vendicabunt in advocatione ejusdem capellae seu praesentatione vicariorum Celebrabitur ibi baptismus parvulorum omni tempore allato crismate matricis ecclesiae de Froucestre Et sepultura fiet ibi omnium ibidem defunctorum exceptis illis qui virgatas integras seu dimidias tenebunt viris et mulieribus Quod si tanta temporis intemperies ingruerit ut non possint ad matricem ecclesiam corpora deferri personae matricis ecclesiae integre reservatis obventionibus illic sepelientur Quod si ratum et inconvulsum in posterum permaneat diviso inter eos cyrographo confirmatum est et sigillis eorum utrumque appositis roboratum Hiis testibus

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.