Sciant praesentes et futuri quod cum esset placitum inter dominum Henricum abbatem Gloucestriae petentem et Mauricium quondam archidiaconum Gloucestriae deforciantem viginti acras prati cum pertinentiis quas idem dicebat pertinere ad manerium suum de Mayesmora et super hoc diutius esset processum tandem inter successores eorum videlicet inter dominum Johannem abbatem et conventum Sancti Petri Gloucestriae et magistrum Thomam archidiaconum Gloucestriae de assensu venerabilis patris domini Walteri de Cantilupo Wygorniensis episcopi dictum placitum in hunc modum conquievit anno Domini millesimo ducentesimo quadragesimo octavo videlicet quod dictus archidiaconus concessit remisit et quietas clamavit octo acras dicti prati de se et successoribus suis per visum legalium virorum mensuratas dictis abbati et conventui Gloucestriae et eorum successoribus ita quod dictus archidiaconus vel successores sui nihil juris in eisdem sibi possint vendicare Pro hac autem concessione et quieta clamatione iidem abbas et conventus Gloucestriae remiserunt concesserunt et quietum clamaverunt de se et successoribus suis dicto archidiacono et successoribus suis totum residuum de dicto prato libere et quiete absque omni exactione vel clamio sui vel successorum suorum in perpetuum Ut autem haec omnia per modum compositionis hinc inde perpetuae firmitatis robur obtineant praesens scriptum in modum cyrographi inter eos confectum est cujus unam partem sigillo dictorum abbatis at conventus Gloucestriae munitam dictus archidiaconus sibi retinuit alteram vero partem sigillis venerabilis patris dicti domini Wigorniensis episcopi at praefati archidiaconi Gloucestriae roboratam iidem abbas at conventus Gloucestriae sibi reservarunt etc

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.