Omnibus Christi fidelibus presens scriptum visuris vel audituris Walterus Dei gratia Norwicensis episcopus salutem in domino sempiternam Cum dilectorum filiorum prioris et conventus Norwicensium sancta religio de die in diem magis ac magis amplificetur et amplius ac perfectius nomen Domini nostri Jesu Christi magnificetur in ipsis Volentes ipsos quos specialiter diligimus speciali dilectione confovere ecclesiam de Hemlington que de nostro patronatu est in proprios usus concedimus eisdem ipsam mense dicti domini prioris perpetuis temporibus assignantes et auctoritate pontificali ecclesie Norwicensis confirmantes eandem et volentes quod dicte ecclesie futuris temporibus per capellanum ydoneum inperpetuum deserviatur excommunicationisque sententia omnes illos involventes qui contra nostram huiusmodi donationem collationem et concessionem aliquid fraudis vel doli presumpserint attemptare vel eidem contraire In cuius rei testimonium presentibus sigillum nostrum apponi fecimus Hiis testibus magistro D archidiacono Colcestr[] magistro A de Bromholm[] magistro J de Seham domino W de Witewell[] domino W de Pakenham domino J capellano domino Thoma capellano Thoma de Walecote Willelmo de Sidersterne Willelmo de Acle clericis Data apud Norwicum die sancte Fidis anno domini millesimo cc x1 octavo et pontificatus nostri anno quarto

Source Fulltext: Charters of Norwich Cathedral Priory. Barbara Dodwell. Pipe Roll Society, V.78, New Series V.40. Pipe Roll Society. J. W. Ruddock. London. 1974.