Elyas Giffardus omnibus hominibus suis et amicis Francis et Anglis et omnibus Sanctae Dei Ecclesiae filiis salutem Sciatis me concessisse uxori meae Bertae medietatem totius manerii de Ullingwike maritagii sui donandam ecclesiae Sancti Petri et Hamelino abbati et conventui Gloucestriae in perpetuam elemosinam solutam et liberam et quietam ab omnibus servitiis et consuetudinibus et tallagiis et exactionibus et assisis excepto servitio dimidii militis tam in dominio quam in villenagio in bosco et plano in pratis et pasturis et omnibus aliis rebus cum omnibus libertatibus eidem manerio pertinentibus praeter ecclesiam et virgultum et veterem curiam ita tamen quod secundum quantitatem medietatis curiae et virgulti dabo ei escambium in terra arabili alterius medietatis Ipsa vero pro salute animae meae et suae et patris et matris et omnium antecessorum et parentum nostrorum me praesente et hanc donationem faciente omnimodum praebuit assensum Et multis praecedentibus ejus petitionibus ut videlicet hanc facerem donationem petitionis impetravit effectum in hunc tamen modum quod semet ipsam cum tota praedicta medietate dedit ecclesiae Sancti Petri sic quidem quod eandem medietatem tenebit tota vita sua si voluerit et si me defuncto supervixerit Si vero defuncta ipsa ex Dei dispositione supervixero praedictam illam medietatem statim absque dilatione et omni retinaculo ecclesiae Sancti Petri et monachis Gloucestriae in proprietatem et in juris plenitudinem salvo memorato servitio reddam cum omni sua plenitudine et integritate et pertinentiis suis Memoratam ergo terram super altare Sancti Petri manu propria praesente conventu et multis aliis solenniter obtuli anno ab Incarnatione Domini millesimo centesimo sexagesimo tertio quinto decimo kalendas Augusti Quod quia stabile volo esse et firmum praesentem cartam etc

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.