Sciant praesentes et futuri quod ego magister Nicholaus de Hatherleya filius Mauricii de Gloucestria anno Domini millesimo ducentesimo sexagesimo tertio concessi et hac praesenti carta mea confirmavi domino Reginaldo abbati Sancti Petri Gloucestriae et ejusdem loci conventui et eorum successoribus in liberam puram et perpetuam elemosinam pro salute animae meae et antecessorum meorum omnia tenementa et redditus quos habui in villa Gloucestriae cum omnibus pertinentiis suis in perpetuum videlicet mansionem quandam in vico aquilonali in qua mansit pater meus cum omnibus pertinentiis suis cum tribus seldis ibidem adjacentibus quae quidem seldae jacent inter ostium dictae mansionis et domum quae fuit Roberti le Mercer et tres seldas inter ostium dictae mansionis et venellam de Grauntelone jacentes cum sex solidis annui redditus de quadam selda jacente in Marceria inter seldam quae fuit Vincentii Chose ex parte una et seldam quae fuit Roberti le Mercer ex parte altera et duas seldas quae jacent inter domum quae fuit Walteri de Saundone et seldam quae fuit Willelmi de Teok[esburia] et octo solidatas annui redditus de quadam selda quam tenuit Petrus de Bathonia Et tres mansiones quae jacent in Oxbodelone inter terram quae fuit Ricardi Tyrri et terram quae fuit Roberti le Wyse et totam terram meam in Grantelone jacentem inter terram quae fuit Lucae Cornubiensis cum duabus mansionibus adjacentibus ibidem juxta terram quae fuit Alexandri de Brock habend et tenend omnia praedicta tenementa seldas et redditus praedicto abbati et conventui et eorum successoribus libere quiete bene et in pace in perpetuum sicut in cartis quas habent de me plenius continetur Salvis Alexandro fratri meo quinquaginta solidos per manus dictorum abbatis et conventus quamdiu vixerit de dictis tenementis annuatim quatuor terminis recipiendis videlicet ad festum Sancti Michaelis duodecim solidos et sex denarios ad Natale Domini duodecim solidos et sex denarios ad festum Annunciationis Beatae Mariae duodecim solidos et sex denarios et ad Nativitatem Beati Johannis Baptistae duodecim solidos sex denarios Et quia volo quod haec mea donatio concessio et cartae meae confirmatio perpetuitatis robur obtineat praesens scriptum sigilli mei impressione roboravi Hiis testibus

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.