Sciant presentes et futuri quod ego Maria filia Willelmi de Wyntonia speciarii in pura uiduitate mea et de expresso consensu dicti Willelmi patris mei et uoluntate Gunnore et consensu uxoris predicti Willelmi matris mee dedi concessi et hac presenti carta mea confirmaui magistro Thome de Beuerlaco ciui Londoniensi quandam terram cum domibus superedificatis et omnibus aliis pertinentiis suis in parochia sancti Petri orientalis Oxonie illam scilicet terram cum domibus et aliis pertinentiis suis quam predicti Willelmus et Gunnora michi in liberum maritagium dederunt et concesserunt que quidem terra cum domibus et pertinentiis suis iacet inter terram Henrici de Lincolnia uersus orientem ex una parte et terram que fuit prioris de Schyreburne uersus occidentem ex altera et extendit se a uico regio a capite australi usque ad terram Philippi de Stokwelle uersus aquilonem scilicet quicquid in predicta terra cum domibus et aliis pertinentiis habui uel aliquo modo habere potui ut in lignis lapidibus et cunctis aliis rebus sine aliqua diminutione habend et tenend dictam terram cum domibus et aliis pertinentiis suis predicto magistro Thome et heredibus suis et suis assignatis et eorum heredibus et cuicumque et quando dictam terram cum predictis domibus et pertinentiis dare dimittere uendere legare inuadiare uel aliquo alio modo assignare uoluerit libere quiete bene et in pace iure hereditario imperpetuum reddendo inde annuatim michi et heredibus meis seu assignatis meis unum clauum gariofili ad festum sancti Iohannis Baptiste et hospitali sancti Iohannis de Oxonia uiginti solidos ad quatuor anni terminos principales uidelicet ad Natale Domini quinque solidos ad festum beate Marie in Martio quinque solidos ad Natiuitatem sancti Iohannis Baptiste quinque solidos et ad festum sancti Michelis quinque solidos pro omnibus seruitiis consuetudinibus sectis curie et aliis secularibus demandis et rebus cunctis Et ego predicta Maria de Oxonia et heredes mei et assignati mei predictam terram cum domibus et aliis pertinentiis predictis predicto magistro Thome et heredibus suis et suis assignatis et eorum heredibus et cuicumque et quando dare dimittere uendere legare inuadiare alienare uel aliquo alio modo assignare uoluerit contra omnes homines et feminas tam Cristianos quam Iudeos warantizabimus acquietabimus et per predictum seruitium imperpetuum defendemus Pro hac autem donatione concessione warantisione et presentis carte mee confirmatione dedit michi predictus magister Thomas uiginti marcas sterlingorum pre manibus in gersummam Et ut hec mea donatio concessio warantisio et presentis carte mee confirmatio rata et stabilis imperpetuum permaneat presentem cartam sigilli mei et sigillorum predictorum Willelmi patris mei et Gunnore matris mee impressione feci roborari Hiis testibus domino Nicholao de Kingestone tunc maiore Oxonie Willelmo Speciario et Galfrido de Henkeseye tunc prepositis Oxonie Waltero Aurifabro Henrico de Lincolnia Willelmo Do Iohanne Do filio suo Thoma Speciario Willelmo filio Aluredi Nicholao Aleblastar[] Willelmo clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.