Johannes filius Anselmi de Gurney summonitus fuit ad respondendum abbati Sancti Petri Gloucestriae de placito quod teneat ei conventionem factam inter ipsum abbatem et Anselmum de Gurney patrem ipsius Johannis cujus haeres ipse est de sex solidatis terrae cum pertinentiis in Beverstan et de advocatione ecclesiae ejusdem villae etc Et Johannes venit et concordati sunt Et praedictus abbas dat dimidiam marcam pro licentia concordandi Et est concordia talis quod praedictus Johannes recognovit praedictam terram et advocationem praedictae ecclesiae esse jus ipsius abbatis et ecclesiae suae Sancti Petri Gloucestriae ut illas quas idem abbas habet de dono praedicti Anselmi patris praedicti Johannis cujus haeres ipse est habend et tenend eidem abbati et successoribus suis et ecclesiae suae praedictae de praedicto Johanne et haeredibus suis in liberam puram et perpetuam elemosinam in perpetuum Et praedictus Johannes et haeredes sui warantizabunt acquietabunt et defendent etc Et quia nuper statutum fuit quod nulla tenementa ad manum mortuam extuncdevenirent quaesitum est ab ipso abbate si quid habeat per quod concordia ista in curia domini regis sit affirmanda qui cartam domini regis profert in haec verba [...] Ideo praedictus abbas habeat inde cyrographum etc

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.