Universis Sanctae Matris Ecclesiae filiis ad quos praesens scriptum pervenerit Sampson Dei gratia Wygorniensis episcopus salutem in Domino Noverit universitas vestra nos una cum venerabilibus fratribus nostris dominis Gundulfo Roffensi Gerardo Herefordensi et Herveo Bangornensi coepiscopis anno Domini millesimo centesimo ante autumnum idibus Julii ecclesiam quam venerabilis abbas Serlo in villa Glavorniae a fundamentis construxerat dedicasse et consecrasse in honore Beatorum Apostolorum Petri et Pauli cum multorum populorum frequentia et devotione Et quia inveuimus praefatum Serlonem abbatem plusquam sexaginta fratres ordinis Sancti Benedicti in dicto coenobio Gloverniae congregasse Christo perpetuo servituros nec habent praedia et possessiones unde tantorum fratrum numerus ibi cum debito honore posset sustentari nos divinae caritatis intuitu et ad praedictorum episcoporum et ad multorum nobilium ibidem praesentium instantiam et devotionem concessimus et contulimus praedictis abbati et fratribus Gloverniensis monasterii et eorum successoribus ad eorundem sustentationem et hospitalitatis inibi ampliationem has subscriptas ecclesias perpetuo habend et in perpetuos usus convertendas videlicet ecclesiam de Northleche cum omnibus decimis et pertinentiis suis ecclesiam de Stanedisse cum omnibus decimis et omnibus rebus ad ipsam pertinentibus ecclesiam de Hardepyrie cum omnibus pertinentibus ad eandem ecclesiam de Brocthrope cum omnibus pertinentiis suis salvis vicariis qui in dictis ecclesiis ministrabunt portionibus rationabilibus eisdem per nos vel successores nostros assignandis Concessimus eisdem fratribus et eorum successoribus perceptionem decimarum omnium terrarum suarum quas propriis laboribus suis vel sumptibus excoluerint videlicet maneriorum suorum subscriptorum de Berthona de Bernewode de Tuffeleye de la Rugge de Fareleye de Brocthrope de Froucestre de Boxwelle de Estleche de Culna Rogeri de Culna Sancti Aylwini de Ameneye de Aldesworthe de Dantesburne de Cuthbrithleye de Boclande de Hynethone de Clifforde de Mayesmore de Hardepirie quae in nostra dyoecesi obtinent in praesenti Et etiam perceptionem omnium majorum decimarum de hominibus suis de omnibus maneriis suis praedictis Concessimus etiam eisdem religiosis duas marcas annuae pensionis in ecclesia de Quenintone et duas marcas annuae pensionis in capella de Nimdesfelde et viginti solidos annuos in ecclesia Sancti Johannis in Gloucestria et decem solidos annuos in capella de Mattesdone et novem solidos annuos in capella de Eykote pro decimis domini de Eycothe et majores decimas totius dominii Sibillae de Evereus in Estleche et etiam decimas de omnibus dominicis terris domini de Schiptone et etiam decimas totius terrae dominicae Roberti do Lettrintone Praeterea omnes ecclesias terras decimas et omnia bona alia quae a retroactis temporibus in dioecesi nostra adepti sunt et usque ad haec tempora pacifice possederunt eis auctoritate nostra confirmamus in perpetuum possidenda et praesentis scripti serie sigilli nostri appositione declaramus confirmata statuentes et districtius inhibentes ut nullus deinceps super hiis audeat molestare Ut igitur ea quae praemissa sunt futuris temporibus perpetuae firmitatis robur obtineant ea praesenti carta nostra et tam sigilli nostri quam sigilli capituli Wygorniensis ecclesiae appositione confirmamus Datum Wygorniae decimo kalendas Augusti anno Domini supradicto anno consecrationis nostrae quarto

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.