Iohannes Dei gratia etc Sciatis nos concessisse et confirmasse Deo et fratribus militum Templi Salomonis manerium de Witham cum mercato et cum dimidio hundredo et cum omnibus pertinentiis suis aliis Quare volumus et firmiter precipimus quod predicti fratres habeant et teneant predictum manerium cum socca et sacca toll et th eam et infangenthef et utfangenthef et cum iudicio furcarum et aque et duelli et cum aliis libertatibus et liberis consuetudinibus et quietanciis in bosco et plano in pratis et pasturis in aquis et molendinis in viis et semitis in stagnis et vivariis in mariscis piscariis et virgultis infra burgum et extra et in omnibus locis et in omnibus rebus Et volumus quod predicti fratres et eorum homines de predicto manerio quieti sint de schiris et hundredis et placitis et querelis et murdro et wapentagio et scutegiis et geldis et denegeldis et hidagiis et assisis et de reparacionibus castellorum et poncium et de frethwyt et de hengewyt et ficthwyt et blodwit et de flemenesfreth et de warpeni et de auerpeni et hundredespeni et de thethempeni et de omnibus tholonis et pontagiis et passagiis et lastagiis et de vasto et rewardo et de auxilio vicecomitis et de omni seculari servicio et exaccione et de omnibus occasionibus et consuetudinibus secularibus que ad nos pertinent excepta sola iusticia mortis et membrorum Et prohibemus super 10 libros de forisfacto quod nullus eis vel hominibus suis contra hanc cartam nostram forisfaciat Hec autem omnia eis concessimus pro anima regis h[enrici] patris nostri et pro salute anime nostre et a[lienore] regine matris nostre et omnium antecessorum et successorum nostrorum Concedimus eciam eis warennam in predicto manerio Et prohibemus super predictum forisfactum quod nullus eat ibi venatum nisi per licenciam fratrum Teste etc Datum per manum h[uberti] Cantuar[iensis] archiepiscopi cancellarii nostri apud Sagium sexto decimo die iulii anno regni nostri primo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.