Memorandum quod die Lunae proxima post festum Sancti Eadmundi regis et martyris anno Domini millesimo ducentesimo octogesimo tertio nos officiarius venerabilis patris domni Bathoniensis et Wellensis episcopi invenientes magistrum Thomam dictum Stede rectorem ecclesiae de Burenham dictae dyoecesis personaliter in civitate seu villa Wellensi praesentem ipsum peremptorie citavimus viva voce quod compareat coram nobis in majori ecclesia Wellensi die Mercurii proxima post festum Sancti Andreae Apostoli domnis abbati et conventui monasterii Sancti Petri Gloucestriae super quadam annua pensione decem librarum debita eisdem ab ecclesia de Burneham et ipsius rectoribus sicut dicunt responsurus et juri pariturus et eidem magistro Thomae libellum super dicta pensione ex parte dictorum religiosorum oblatum tradidimus formam seu tenorem continentem inferius annotatum Dicunt et in jure proponunt coram nobis officiario venerabilis patris domni Bathoniae et Wellensis episcopi abbas et conventus monasterii Beati Petri Gloucestriae sui et monasterii ac sui prioratus de Ewyas contra magistrum Thomam dictum Stede rectorem ecclesiae de Burenham Bathoniensis et Wellensis dyoecesis et contra quemlibet legitimum procuratorem seu defensorem quod cum ipsi ab antiquo habuerunt possessionem vel quasi juris percipiendi quandam annuam pensionem x librarum argenti singulis annis a rectoribus praelibatae ecclesiae de Burenham qui pro tempore fuerit ratione ecclesiae memoratae quam tenuerant dicti rectores sibi et monasterio suo ac prioratui suo de Ewyas de jure et canonice debitam et tempore cujus memoria non existit ac etiam fuissent in possessione vel quasi juris percipiendi pacifice pensionem eandem dictus magister Thomas dictam pensionem a tempore admissionis beneficii antedicti retinuit et adhuc retinet minus juste ipsam pensionem indebite subtrahendo et solvere contradicendo ipsos religiosos dicta pensione perperam spoliando in suae salutis periculum et dictorum religiosorum praejudicium et damnum quod estimant sexaginta marcas sterlingorum nomine arreragiorum de tempore quo magister Thomas praedictus ipsam ecclesiam de Burenham fuerat assecutus unde petunt dicti religiosi se et monasterium suum ac prioratum praedictum in eundem statum percipiendi hujusmodi pensionem annuam de ecclesia de Burenham praedicta reducendos esse sententialiter declarari et eosdem reduci et restitui ad perceptionem pensionis praedictae ac ipsam pensionem et jus percipiendi eandem ad ipsos religiosos et monasterium eorundem ac prioratum suum de jure et canonice pertinere et eosdem ipsam pensionem annis singulis in posterum de jure percipere debere per nostram diffinitivam sententiam declarari et diffinitive pronunciari praefatumque rectorem nomine ecclesiae suae antedictae ad ipsam ecclesiam ad solutionem seu praestationem annuae pensionis praedictae in futurum sine calumnia et integraliter faciendam sibi et monasterio suo ac prioratui suo praedicto condemnari et compelli Petunt in omnibus sibi justitiam exhiberi Haec dicunt et proponunt et petunt divisim seu conjunctim juris beneficio in omnibus sibi salvo addendi mutandi et minuendi et declarandi Petiit pars dictorum religiosorum instanter quod dictus magister Thomas ad hujusmodi libellum super quo deliberavit ad plenum coram nobis in judicio responderet Praefatus vero magister Thomas habita deliberatione ad dictum libellum litem contestatus in hunc modum [...]

Source Fulltext: Historia et Cartularium Monasterii Sancti Petri Gloucestriae. William Henry Hart. Rerum Britannicarum Medii Aevi Scriptores, 33 P.1. Longman, Green. Longman, Roberts and Green. London. 1863.