Sciant presentes et futuri quod ego Margareta de Say filia Hugonis de Sai quondam uxor Roberti de Mortuomari in uiduitate mea dedi relaxaui et quietas clamaui inperpetuum pro me et heredibus meis et pro anima mea et animabus antecessorum meorum domino priori Wigorn[] et conuentui eiusdem loci tres araturas quatuor carrucarum quas antecessores mei et ego habere consueuimus de libero manerio dictorum prioris et monachorum de Boreston[] tribus temporibus anni videlicet iiij ad hybernagium quatuor ad tramesium et iiii ad warettum Relaxaui etiam duas seuras quas de eodem manerio habere consueuimus unam ad hybernagium cum vii hominibus et aliam ad tramesium cum totidem Relaxaui etiam douereth[] seruientium si quos ego uel heredes mei habuerimus in partibus illis et quietum clamaui pro me et heredibus meis in perpetuum et omnes demandas querelas exactiones occasiones et calumpnias pertinentes ad aruras uel seuras et omnes alias demandas indebitas et iniustas et indebite optentas Hec autem omnia sepedictis priori et monachis in puram et perpetuam elemosinam concessi et confirmaui pro me et heredibus meis Et ego m[argareta] et heredes mei omnia predicta predictis priori et monachis contra omnes homines et omnes feminas warantizabimus Et in huius rei testimonium presens scriptum sigilli mei impressione roboraui Hiis testibus Ricardo de Curchun tunc sen[escallo] etc

Source Fulltext: The Cartulary of Worcester Cathedral Priory. R. R. Darlington. Pipe Roll Society, V.76, New Series V.38. Pipe Roll Society. J. W. Ruddock. London. 1968.