Omnibus sanctae matris ecclesiae filiis praesens scriptum visuris vel audituris Walterus abbas de Malmesburia et[] totus ejusdem loci conventus salutem in Domino Cum super Malmesburiensis monasterii subjectione tam in temporalibus quam spiritualibus a venerabili patre Ricardo Sarum episcopo coram Adam abbate de Waverlege et Jordano abbate de Dereford auctoritate literarum domini papae Honorii tertii judicibus delegatis traheremur in causam fundata intentione dicti episcopi et partibus in judicio rite confirmatis exhibitis quoque in judicio privilegiis et autenticis scriptis tam illis quibus episcopus suam nitebatur probare intentionem quam illis quibus nos nostram defensionem tandem ad monitionem dictorum judicum necnon ad mandatum et monitionem tam venerabilis patris Pandulfi Norwicensis electi apostolicae sedis legati quam illustris regis Henrici filii Johannis quondam regis Angliae animum ad pacem inclinantes pacem cum dicto episcopo et ecclesia Sarum inivimus super praedictis et judiciali provisioni per omnia unanimiter adquiescentes manerium de Yweye cum omnibus pertinentiis ejusdem et advocationem ecclesiae de Bremel cum suis pertinentiis de provisione judicum dedimus et ooncessimus dicto episcopo et successoribus suis pro bono perpetuae pacis habend et possidendum ita libere et quiete cum omnibus libertatibus et liberis consuetudinibus ad dictum manerium pertinentibus sicut nos unquam liberius et integrius aut quietius dinoscimur illud manerium possedisse et totum jus quod in dicto manerio et ejus pertinentiis et in advocatione ecclesiae de Bremel cum suis pertinentiis aliqua tempore habuimus totum in episcopum et ejus successores de communi assensu capituli transtulimus nihil nobis prorsus retinentes vel in personis vel in rebus ad dictum manerium pertinentibus nullo ex hoc praejudicio monasterio Malmesburiae in manerio de Bremel et ejus pertinentiis quoad temporalia imminente nisi tantum in jure patronatus ecclesiae ejusdem villae et capellae de Foxham et earundem pertinentiis quantum ad jus patronatus pertinet Et si forte aliquo tempore contra hanc nostram concessionem et judicialem provisionem aliquod privilegium vel aliquae literrae a parte nostra apparerent volumus quod nullum robur firmitatis habeant Et ut haec nostra concessio auctoritate judicum dictorum a sede apostolica delegatorum provisa et confirmata perpetuum robur habeat firmitatis nos eandem concessionem sigillorum nostrorum appositione communivimus His testibus Willelmo de Walde praecentore Sarum Hugone de Garhurst cancellario Abraham de Wintonia thesaurario magistro Roberto de Bingeham magistro Luca magistro Willelmo de Mertone canonicis Sarum Rogero decano de Wintonia magistro W de Syreburne magistro Johanne de Reygate Huberto Hosato magistro Ricardo de Bremel magistro Roberto de Lavinton magistro Nicholao Martel et multis aliis

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.