Omnibus sancte matris ecclesie filiis ad quos presens scriptum peruenerit Egidius diuina permissione Hereford[] ecclesie minister eternam in domino salutem Nouerit uniuersitas uestra quod lis mota inter r[andulfum] priorem et monachos Wigorn[] ex una parte et o[sbertum] archidiaconum de Kaermerdin[] rectorem ecclesie de Lindrugge ex altera super pensione trium marcarum de eadem ecclesia percipiendarum item super decimis dominici de Mora et de Neweham quas petebat archidiaconus a priore et monachis sub hoc fine pro bono pacis conquieuit Videlicet quod ex utraque parte sponte et absolute facta peticionum predictarum hinc inde remissione soluet de cetero inperpetuum ecclesia de Lindrugg[] per manum rectoris eiusdem ecclesie priori et monasterio Wigorn[] annuatim centum solidos hiis terminis scilicet infra octabas Pasche quinquaginta solidos et infra octabas Natiuitatis beate Marie quinquaginta solidos Percipiet autem ecclesia de Lindrugge omnes decimas dominici dictorum locorum uidelicet de Mora et de Noweham exceptis decimis nutrimentorum propriorum animalium monasterii prelibati et ortorum et feni de Munekemedew[] et de Calreham et de Menemedew[] et molendinorum propriorum scilicet duorum apud Moram et unius apud Neweham et pasnagii nemorum Hanc autem compositionem inter ecclesias factam firmiter in perpetuum obseruandam utraque pars iureiurando corporaliter prestito cum sigillorum suorum appositione fideliter promisit Nos igitur eidem compositioni deuotum adhibentes assensum et auctoritatem nostram apponentes eam presenti scripto et sigilli nostri testimonio confirmare curauimus Facta est autem hec compositio anno domini pape Innocentii tercii nono consecrationis nostre anno sexto circa festum apostolorum Petri et Pauli Hiis testibus Ricardo de Sap[]

Source Fulltext: The Cartulary of Worcester Cathedral Priory. R. R. Darlington. Pipe Roll Society, V.76, New Series V.38. Pipe Roll Society. J. W. Ruddock. London. 1968.