Sciant presentes et futuri quod ego Johannes de Abetot consensu heredum meorum dedi et concessi et assignaui deo et beate Marie et priori et conuentui Wigorn[] in puram et perpetuam elemosinam pro salute anime mee et antecessorum et successorum meorum homagium et seruicium Henrici filii mei et annuum redditum duorum solidorum sterlingorum percipiendorum ad duos terminos scilicet in festo Annuntiationis beate Marie duodecim denarii et in festo sancti Michaelis duodecim denarii pro omni seruicio consuetudine et demanda per manus ipsius et heredum et assignatorum suorum ita libere et quiete sicut aliqua elemosina liberius et quietius percepi potest Scilicet de terris et redditibus quos dedi eidem Henrico in uilla de Lawern[] et in uilla de Hindelep[] pro homagio et seruicio suo sicut carta mea quam ei de predictis feci testatur Et ego et heredes mei omnia predicta memoratis priori et conuentui contra omnes homines et feminas warantizabimus Si uero dictus Henricus uel heredes uel assignati sui defecerint in solutione dicti redditus ad prefatos terminos volo et concedo pro me et heredibus meis ut prefati prior et conuentus possint namiare et distringere dictas terras donec eis plene fuerit satisfactum Ut autem hec omnia perpetue firmitatis robur optineant ea presenti scripto et sigilli mei impressione roboraui Hiis testibus domino Waltero de Bellocampo domino Hugone Poer tunc uicecomite Wigorn[] etc

Source Fulltext: The Cartulary of Worcester Cathedral Priory. R. R. Darlington. Pipe Roll Society, V.76, New Series V.38. Pipe Roll Society. J. W. Ruddock. London. 1968.